A hneăng hôp, klêi tơmâng mâu kăn Kuô̆k hô̆i tơbleăng mâu tơdroăng tung rôh hôp kố nah, kuăn pơlê a cheăm Ia Hrŭ, tơring Chư Pưh, kong pơlê Gia Lai tối phiu ro hlo châ tơƀrê dêi rôh hôp má tơdrốu Kuô̆k hô̆i hneăng 15. Kuăn pơlê xuân khĕn kơdeăn hnoăng cheăng pêi dêi mâu kăn Kuô̆k hô̆i kong pơlê Gia Lai hiăng ai hên tơdroăng tối ki kal vâ châ tơƀrê hneăng hôp.

A rôh trâm mâ, kuăn pơlê tối hên tơdroăng ki tơvâ tơvân a cheăm tơring kong pơlê, mê cho troăng prôk tung thôn Tong Yong hiăng tơ’nhiê, yă on tơhrik ăm kuăn pơlê hâi tơtro; kal tơmâng tâ tung tơdroăng pêi pro pơ’lêh hdrê pêt, mơnăn păn ƀă tơniăn tăng tíu tê mâu tơmeăm pê lo ing chiâk deăng ki xiâm; malối, kuăn pơlê tô tuăn ‘na tơdroăng pro hlá mơ-éa xúa tơnêi a kong pơlê ối tơvâ, pá, mơdon, pro hên tơdroăng...