A tơring ‘Mang Yang, khu kăn Kuô̆k hô̆i kong pơlê Gia Lai hiăng trâm mâ kuăn pơlê cheăm Đăk Jơ Ta. Akố, khu kăn tơmâng tơdroăng kuăn pơlê tối, pâ thế ‘na tơdroăng pro hlá mơ-éa tơnêi tơníu; thế ai luâ pơkâ tơxâng ăm mâu kuăn pơlê ki cheăng kring vế, kăn ƀô̆ pêi hnoăng cheăng a râ cheăm... Tơdrêng amê, cho tơdroăng pro troăng prôk kum kuăn pơlê mơnhông cheăng kâ mê cho: ‘no liăn pro kông tơkâ luâ têa kroăng Ayun vâ kuăn pơlê ai troh prôk lăm, chơ tơmeăm ing chiâk ƀă pâ tơmâng xoăng tơnêi pê kâ ăm kuăn pơlê hdroâng kuăn ngo.

Kăn Kuô̆k hô̆i kong pơlê Gia Lai tơkŭm tâi tâng mâu tơdroăng mê pơtroh ăm mâu khu xiâm, kơvâ cheăng xiâm tơnêi têa, tâng ôh tối tơbleăng ăm Kuô̆k hô̆i vâ Kuô̆k hô̆i tiâ kuăn pơlê.