Troh lăm pôu ƀă hơlêm rơpŏng hngêi ngế kăn ƀô̆ rak ngăn kong ki hlâ tung rôh mê, Ngế pro xiâm phŏ hnê ngăn Nguyễn Quốc Trị pơkâ thế mâu kăn pơkuâ ngăn tơring Ea Kar tơmâng khât tâ nếo troh tơdroăng rêh ối tơmeăm khoăng, tuăn tơmiât, pro tơ’lêi hlâu kum ăm rơpŏng hngêi ki ai ngế hlâ mê kâi tơkâ luâ xơpá khéa kho vâ tơniăn tung rêh ối ƀă tơdroăng hriâm dêi vâi muăn.

Khu rak ngăn kong, kơvâ ngăn ‘na chiâk deăng ƀă mơnhông thôn pơlê kong pơlê Dak Lak tơkŭm krá ƀă mâu khu râ pơkuâ cheăng thâ séa ngăn, mơnhên mâu tơdroăng ƀă tŏng kum tro tiô luât pơkâ ƀă mâu kăn ƀô̆ rak ngăn kong ki tro vâi pĕng hlâ.

Rôh kố, Khu ngăn ‘na chiâk ƀă mơnhông thôn pơlê Dak Lak rơtế ƀă mâu tíu pêi cheăng khu ai tuăn hơ-ui diâp mâu tơdroăng ki hbru ăm mâu rơpŏng hngêi ai ngế hlâ vâ rơpŏng hngêi kơdroh sĭng khéa rĕng tơniăn tung rêh ối.