Môi tiah tơdroăng hiăng tối, roh hôp ôh tá xê tiah hmâ má 5 (Kuô̆k hô̆i hneăng 15) hiăng po a kơxo hâi lơ 15/1. Môi tung 4  tơdroăng  ki kal châ tơpui tơno a rôh hôp kố cho Tơdroăng chêh pơkâ ‘na mâu luât pơkâ, luât tŏng kum vâ tơ’lêi tah ki xơpá, tơvâ tơvân, mơdêk tơdroăng pêi pro dêi mâu Tơdroăng pơkâ dêi tơnêi têa.

Pêi pro Pơkâ ‘na séa ngăn chuyên đề a Rôh hôp má 6, Chin phuh pơtroh ăm Kuô̆k hô̆i séa ngăn, pơkâ xúa mâu luât pơkâ ki xiâm vâ tah ki xơpá, tơvâ tơvân, mơdêk rĕng ƀă tơƀrê pêi 3 tơdroăng pơkâ dêi tơnêi têa, tơkŭm a mâu tơdroăng ki hên: xing xoăng, pơcháu liăn hrê đi đo liăn ngân xiâm tơnêi têa rêm hơnăm; tơdroăng ‘mâi hơ’lêh liăn ngân tơnêi têa, pơkâ ‘no liăn rêm hơnăm; tơdroăng xúa liăn ngân tơnêi têa tung pơcháu tơdroăng tơkêa bro mơnhông ’na chiâk deăng pêi tơdroăng rôe tơmeăm vâ xúa tung mơnhông ‘na chiâk deăng; tơdroăng pơkâ luât mơnúa xing xoăng ăm râ tơring pơkâ inâi, tơdroăng xiăng xoăng xúa liăn ngân tơnêi têa tung tơbleăng mâu tơdroăng tơbleăng pêi mâu tơdroăng...