Tơdroăng tơkêa kố xua Khu lo tŏng veăng – Trăng lưỡi liềm đỏ lâp plâi tơnêi tŏng kum, tơbleăng ing mơ’nui khế 8/2023 troh nôkố a 4 to kong pơlê: Dak Nông, Lào Cai, Lai Châu ƀă Yên Bái ƀă tâi tâng kơxô̆ liăn pro lối 9,3 rơtal liăn. Mâu rơpŏng kuăn pơlê châ tŏng kum kế ki dâ têa, liăn mâ ki ôh tá ai tơdroăng tơvâ tơvân, liăn mâ ai tơdroăng vâ ‘mâi mơnhông tơdroăng rêh ối cheăng kâ, ‘mêng rơnêu hngêi ối ƀă hên ki ê vâ ‘mâi mơnhông klêi kơ’nâi xua kong mê khía mơhot têa kân lân lu bro, rế hía rế tơniăn tơdroăng rêh ối.

A kong pơlê Dak Nông, Tơdroăng hiăng xoăng liăn mâ ki ôh tá ai tơdroăng ăm 20 rơpŏng vâ rơnêu hngêi, 100 rơpŏng vâ ‘mâi mơnhông tơdroăng cheăng kâ, hbru 40 to kế ki dâ têa ƀă hbru liăn mâ ôh tá ai tơdroăng ăm 70 rơpŏng dêi tơring Tuy Đức. Tơdroăng tơkêa kố ối kum hnê hriâm, pêi pro mâu tơdroăng ki tối tơbleăng tung um tơvi ‘na têa krúa, hbrâ mơdât pơreăng tung tơdroăng ki kal tơdrêng; hnê bro hngêi tơniăn, kih thuât túa rêh kâ ối krá tơniăn ƀă tâi tâng kơnâ lối 1 rơtal 500 rơtuh liăn.