Hlá mơ-éa pơtroh ki kal pơtroh Kăn hnê ngăn Viƀan kuăn pơlê mâu kong pơlê, pơlê kong kơdrâm kơpong kong ngo peăng Kơnhŏng, kơpong tơbăng peăng Kơnhŏng ƀă Peăng kơnhŏng pá Tơdế tơnêi têa hiăng ai kong hngíu râ, kơpong kong ngo ai príu pro tơdjâk troh ivá dêi kuăn pơlê ƀă păn mơnăn mơnôa, pêt mơjiâng tơmeăm pêi lo ing chiâk deăng.

Vâ hbrâ ví, Ngế pro xiâm hnê ngăn Chin phuh pơkâ mâu kong pơlê tơkŭm po séa ngăn tơdroăng kong prâi, hbrâ hnê mơhno, pêi pro mâu troăng hbrâ ví ƀă kong hngíu râ, tơniăn ivá ƀă tơniăn ăm kuăn pơlê, hbrâ ví kong hngíu râ, pơreăng  ƀă loăng plâi, mơ-eăm păn, ká xi xŏng vâ kơdroh tro lŭp ƀă tơmeăm pêi lo ing chiâk deăng.

Ôh tá tơngôu; teăm tơdrêng tơkŭm po mâu khu pêi cheăng chu a pơlê pơla, ki má lối cho mâu cheăm kơpong kong ngo vâ tơdrêng amê pơtâng tối, hnê mơhno, séa ngăn, mơhnhôk tơdroăng hbrâ ví kong hngíu ăm kuăn pơlê, loăng plâi, mơnăn păn ƀă hía hé, kơdroh tro lŭp iâ má môi, tơniăn kế kâ, tơmeăm kal xúa rêm hâi kum ăm tơdroăng kal vâ kơchơ mơdró roh mơ’nui hơnăm ƀă Têt Lo hơnăm nếo.