Pôa Phan Đình Trạc hiăng hbru ăm lối 300 kơxu tơmeăm Têt ăm hên mâu tíu pêi cheăng, rơpŏng hngêi ai hnoăng tơnêi têa, rơpŏng kơtiê, mâu kŏng nhân, mơngế pêi cheăng  ki xơpá tung kong pơlê Cà Mau; hlối ăm 500 rơtuh liăn ăm a liăn “ ‘Măn kơdĭng xua mơngế kơtiê” dêi kong pơlê.

A rôh hbru tơmeăm, pôa Phan Đình Trạc ăm ‘nâi, pơla hdrối kố nah, Đảng Tơnêi têa đi đo tơmâng tơbleăng pêi hên tơdroăng xăm kơtiê krá ton vâ mơdêk tâ nếo tơdroăng rêh ối, ‘na tơmeăm khoăng châ hên, tuăn ngôa tuăn pơlê thăm rế rơkê plĕng, mơngế pêi cheăng, xuân môi tiah ai hên tơdroăng mơnê pâ, tơmâng khât troh mâu rơpŏng ai hnoăng tơnêi têa. Tơdroăng mê vâ pơtối rak vế tơdroăng “Pâ mâu ki hiăng ai hnoăng tơnêi têa”, mơhno ki tơmâng khât dêi Đảng, Tơnei têa ƀă mơngế ai hnoăng, rơpŏng kơtiê xơpá.