Xông tơpui mơgêi roh hôp mê, vêh mơnhên mâu tơdroăng ki hiăng châ chiâng pêi pro tung hơ’lêh túa chêh bro hlá mơ-éa pơla hdrối mê hía nah, Ngế pro xiâm hnê ngăn Chin phuh Phạm Minh Chính tối nhên, thăm mơdêk túa chêh bro hlá mơ-éa, mơjiâng túa chêh bro hlá mơ-éa dêi tơnêi têa vâ tŏng kum Kuăn pơlê, rơkê khât, tơƀrê, tơtro, đi đo châ Đảng, Tơnêi têa mơnhên tối cho hnoăng cheăng ki xiâm, châ hlo rơkê ki a’ngêi tung hnoăng cheăng krá tơniăn ton tung mơjiâng hnoăng rak vế luât xa hô̆i chuh ngiah a tơnêi têa pin.

Klêi mê, pôa tối, khế 2 hơnăm 2024, Khu xiâm hnê mơhno kô pơkâ hnoăng cheăng vâ pêi pro tung hơnăm 2024, Ngế pro xiâm hnê ngăn Chin phuh Phạm Minh Chính pâ thế mâu kăn tung Khu xiâm hnê mơhno pơkâ pê pro tơdrêng mâu hnoăng cheăng, túa cheăng vâ thăm mơdêk tung túa chêh bro hlá mơ-éa, maluâ, tơdroăng ki hơ’lêh tung túa chêh bro hlá mơ-eá xuân ai tơdjêp troh tơdroăng ki hơ’lêh kơxô̆, kum ăm tơdroăng ki cheăng tơdjuôm tiô troăng Internet, veăng kum thăm mơdêk pêi pro ƀlêi chiâng mâu hnoăng cheăng, tơdroăng cheăng tung mơnhông pêi cheăng kâ - rêh ối pơlê pơla hơnăm 2024 ƀă tung la ngiâ ah nếo.