Xông tơpui a Tơdroăng pêi pro ‘’Têt tơkŭm dêi pó – Hơngui tŏng kum dêi pó” ăm mâu kŏng nhân mơngế pêi cheăng ƀă rơpŏng kuăn pơlê ai tơdroăng pá puât a kong pơlê Kon Tum, Ngế pro xiâm phŏ hnê ngăn Chin phuh Trần Hồng Hà pơtroh rơkong kơ-êng tá hiâm mơno dêi Kăn xiâm pơkuâ hnê ngăn Đảng Nguyễn Phú Trọng; mâu khu râ kăn pơkuâ Đảng, Tơnêi têa ƀă tơdroăng tuăn pâ môi tiah nhŏng o dêi ngế krê troh mâu khu pú; kuăn pơlê ƀă rơkong rơkâu hơnăm nếo lĕm tro má môi.

Rơkâu rêm ngế, rêm rơpŏng ai Têt hơtôu, tŭm tơmeăm, môi hơnăm nếo tơniăn mo châi ƀă mơnhông tơtêk, kro mơdrŏng. Ngế pro xiâm phŏ hnê ngăn tơnêi têa kheăn kơdeăn kong pơlê Kon Tum hiăng tŏng kum ăm mâu kŏng nhân ƀă rơpŏng kuăn pơlê ai tơdroăng rêh ối pá puât Hơngui vêh Têt troh.

Roh kố Ngế pro xiâm hnê ngăn Chin phuh Trần Hồng Hà rơtế khu râ kăn pơkuâ kong pơlê Kon Tum hiăng diâp kơxuô Têt ăm 200 ngế kŏng nhân pêi cheăng ƀă 50 rơpŏng kuăn pơlê ai tơdroăng rêh ối pá puât ƀă rêm kơxuô tơmeăm kơnâ 1 rơtuh 300 rơpâu liăn.