Rôh Têt hơnăm kố, Cần Thơ hiăng tơmâng khât troh tơdroăng  pêi pro ai pơxúa ăm mâu rơpŏng ai hnoăng, kŏng nhân pêi cheăng, rơpŏng kơtiê, mâu ngế kơtiê xơpá (troh hâi mơ’nui khế 1/2024, pơlê kong kân hiăng diâp ăm 73.020 kơxu tơmeăm ƀă tâi tâng kơxô̆ liăn kơnâ lối 74 rơtal liăn). 

Tung la ngiâ, Ngế pro xiâm hnê ngăn tơnêi têa púi vâ Pơlê kong kân Cần Thơ pơtối tơmâng khât troh tơdroăng rêh ối; púi vâ pơlê kong kân hiăng pêi tro, thế pêi tro tâ nếo; Rơnó Hơngui vêh, Têt troh ôh tá ai ngế ki lâi ti ai Têt, ôh tá ai ngế ki lâi tro lôi pa rŏng. Tung rôh kố, Ngế pro xiâm hnê ngăn tơnêi ƀă mâu kăn, mâu kơ koan tơdâng khu xiâm hiăng hbru 20 kơxu tơmeăm troh mâu rơpŏng hngêi ai hnoăng, rơpŏng kơtiê xơpá; kơxu tơmeăm ăm mâu kŏng nhân, mơngế pêi cheăng 50 kơxu tơmeăm ăm mâu hơnăm hiăng krâ ki oh tá ai ngế păn roăng, vâi hdrêng kuăn tê ôh tá ai nôu pâ ki kơtiê xơpá.