Mơgêi Hneăng hôp, Ngế pro xiâm phŏ hnê ngăn tơnêi têa Trần Lưu Quang tối rơdêi tơdroăng HIV/AIDS, matŭi, pro pơlăm pơlối cho tô tuăn ‘nâng, pơkâ thế ai tơdroăng tơmâng, veăng dêi khu cheăng kal kí, ki má lối cho a mâu kong pơlê. Drêng cheăng kâ pá puât, mâu khu kố rế pêi cheăng rơdêi.

Ngế pro xiâm phŏ hnê ngăn tơnêi têa pơcháu Khu xiâm pơkuâ hnê hriâm ƀă Hnê mơjiâng tuăn ngôa rơkê djâ hbrâ, mơdât AIDS, ma tŭi, pro pơlăm pơlối tung tơdroăng hnê hriâm. Ngế pro xiâm phŏ hnê ngăn tơnêi têa pơcháu Khu xiâm pơkuâ Kŏng an tơrŭm ƀă Khu xiâm pơkuâ ngăn pơkeăng ƀă khăm pơlât, Khu xiâm pơkuâ cheăng pêi – Mô đô̆i rong râ ƀă Rêh ối pơlê pơla pơkuâ mơjiâng Tơdroăng pơkâ xiâm tơnêi têa ‘na hbrâ, mơdât ƀă mơdêk châ tơƀrê pơtê pâk chik ma tŭi, vâ ai tŭm tiô luât ƀă mơngế pêi cheăng mơdêk châ tơƀrê tơdroăng cheăng kố.