Tơpui a Rôh hôp, Ngế pro xiâm phŏ hnê ngăn Chin phuh Trần Hồng Hà mơnhên tối khât ivá mơ-eăm dêi Khu xiâm mơjiâng bro kế tơmeăm khoăng ƀă mâu khu xiâm, kơvâ cheăng, kong pơlê ƀă khu mơdró kâ vâ ai tơdroăng ki tơƀrê môi tiah hâi kố.

Ngế pro xiâm phŏ hnê ngăn tơnêi têa ăm ‘nâi, tơdroăng tơkêa bro 1 rơtuh toăng hngêi ki tê rơpâ liăn troh hơnăm 2030 nếo cho tơdroăng ki pơxiâm tê, kô ối ai mâu tơdroăng cheăng ki kân tâ kal pêi pro vâ pêi châ tơdroăng ki rơhêng vâ mơnhông dêi pơlê pơla ƀă rak tơniăn tíu ối ăm kuăn pơlê ki pêi lo liăn iâ. Tâng bro ƀlêi chiâng tơdroăng bro hngêi ối kố kô veăng kum kal khât tung tơdroăng tŏng kum rêh ối pơlê pơla.