Diâp ăm 500 kơxuô tơmeăm diâp ăm mâu rơpŏng ai troăng hơlâ ai tŏng kum, mơngế ai hnoăng tơnêi têa, rơpŏng kơtiê, đoân viên kŏng đoân tung pơlê kong kân Hải Phòng, Ngế pro xiâm phŏ hnê ngăn tơnêi têa Trần Lưu Quang kheăn kơdeăn tơdroăng châ tơƀrê mơnhông cheăng kâ – rêh ối pơlê pơla pơlê kong kân Hải Phòng châ tơƀrê tung pơla kố nah.

Ki rơhêng vâ tối, Hải Phòng cho pơlê kong kân ai hên tơdroăng châ tơƀrê ki má môi tung tơdroăng tŏng kum ăm mâu rơpŏng ai troăng hơlâ tơnêi têa tŏng kum, rơpŏng ai hnoăng ƀă kăch măng, rơpŏng kơtiê ƀă đoân viên kŏng đoân ai tơdroăng rêh ối pá puât. Roh kố, Liên đoân pêi cheăng Pơlê kong kân Hải Phòng tơkŭm po tơdroăng “Têt tơkŭm dêi pó – Hơngui tŏng kum dêi pó”  diâp kơxuô tơmeăm kŏng nhân pêi cheăng pơlê kong kân klăng roh Têt Lo hơnăm nếo Giáp Thìn.

Lối 350 rơpâu roh đoân viên, mơngế pêi cheăng a Hải Phòng kô châ tơdah kơxuô tơmeăm ing mâu khu râ kŏng đoân pơlê kong kân tung roh kố.