Ngế pro xiâm phŏ hnê ngăn tơnêi têa Trần Lưu Quang veăng a leh ô eăng 143 ngế hok tro, sinh viên, droh rơtăm ki kơhnâ rơkê hơnăm
Thứ năm, 06:00, 28/12/2023
Tơplôu: Katarina Nga/VOV
Tơplôu: Katarina Nga/VOV
VOV4. Xơ Đăng - A Hà Nội, Vi ƀan hdroâng kuăn ngo pơkuâ po, tơrŭm rơtế ƀă Khu xiâm ngăn hnê hriâm ƀă hnê mơjiâng tuăn ngoâ rơkê, Tíu xiâm Đoân Droh rơtăm Kŏng san Hồ Chí Minh tơkŭm po tơdroăng khĕn kơdeăn ô eăng 143 ngế hok tro, sinh viên, droh rơtăm hdroâng kuăn ngo ki kơhnâ rơkê rôh má 10, hơnăm 2023.
Tơpui a leh khĕn kơdeăn, Ngế pro xiâm phŏ hnê ngăn tơnêi têa Trần Lưu Quang ăm ‘nâi, Đảng ƀă Tơnêi têa pin tơmâng ngăn tŏng kum mơnhông cheăng kâ rêh ối pơlê pơla kơpong hdroâng kuăn ngo ƀă peăng kong ngo; hiăng pơkâ hên troăng hơlâ tŏng kum ai tơdroăng pơkâ tŏng kum tung la ngiâ vâ mơdêk tơdroăng ki mơnhông dêi kơpong kố, tung mê ai kơvâ hnê hriâm hnê cheăng pêi.
Laga, xua pơxiâm ing tơdroăng ki xơpá mê kơpong hdroâng kuăn ngo ƀă peăng kong ngo xuân tá hâi hluăn ing tơdroăng ki hrá mơnhông. Xua mê, Ngế pro xiâm phŏ hnê ngăn tơnêi têa rơhêng vâ mâu vâi o pơtối mơ-eăm vâ veăng kum rĕng ăm kơpong hdroâng kuăn ngo ƀă kong ngo hluăn ing xơpá hrá mơnhông.
Viết bình luận