PC Dak Lak pơcháu hngêi tuăn pâ
Thứ sáu, 08:46, 04/08/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Hâi lơ 2/8, Kŏng ti ngăn on tơhrik Dak Lak tơkŭm po leh pơcháu hngêi tuăn pâ ăm rơpŏng pôa Lê Văn Tam, ối a tôh kơphô̆ 7, bêng Ea Tam, pơlê kong kơdrâm Ƀuôn Ma Thuột.
Kố cho rơpŏng kơtiê, hngêi hdrối nah hiăng xi kơchoh hiăng tơ’nhiê ó, ôh tá tơniăn ăm 5 ngế rêh ối. Ing kơxô̆ liăn 60 rơtuh liăn dêi Khu ngăn on tơhrik veăng kơjo kum, rơpŏng hngêi pôa Lê Văn Tam hiăng tơkŭm kơxô̆ liăn tơ’nôm vâ pro klêi hngêi nếo rơdâ lối 100m2. Tung rôh kố, khu ngăn on tơhrik Dak Lak ối ăm 1 toăng tơvi vâ rơpŏng hngêi pôa ai tơ’nôm tơmeăm xúa ngăn tung hngêi nếo.
Tiô ăm ‘nâi, kô cho môi tung 5 rơpŏng kơtiê xơpá châ Kŏng ti ngăn on tơhrik Dak Lak kơjo kum mơjiâng hngêi tuăn pâ tung rôh kố. Mâu hngêi mê châ mơjiâng ƀă teăm pơcháu, kum mâu rơpŏng hngêi tơniăn hdrối troh rơnó mêi khía mơhot têa lân lu, vâ ai tơ’nôm ivá mơ-eăm tâ nếo tung rêh ối.
Viết bình luận