A roh hôp mê, tiô mâu kăn ai tối, Tây Nguyên cho tíu ki ai hên tơmeăm khoăng, tơ’lêi hlâu vâ mơnhông ‘na pêi chiâk pêi deăng, tơdroăng ki mơjiâng on tơhrik, chiâ hrik xo têa châu têa kơxăng, on tơhrrik kơtâu ƀă khía, tơdroăng lăm ôm hyô ki krúa lĕm ing kong kế, loăng nhâ, ngo ngối hnối tơrŭm tá tơdroăng ki pêi chiâk pêi deăng - pêt loăng mơjiâng kong krá tơniăn.

Xua ti mê, tơdroăng ki thăm mơdêk tăng mơjiâng tơdroăng cheăng pêi ƀă pơxiâm tăng cheăng mê tung kơvâ cheăng ƀă tơdroăng cheăng la ngiâ ah cho ivá ki xiâm vâ mơdêk tơdroăng pêi cheăng kâ a kơpong Tây Nguyên. Tiô Vi ƀan hnê ngăn kong pơlê Dak Lak tối, Hneăng hôp kố cho tơdroăng cheăng ki ai pơxúa kân khât vâ veăng kum mơjiâng tíu xiâm ki hơ’lêh nếo mơjiâng kơpong Tây Nguyên tro tiô tơdroăng pơkâ dêi Khu xiâm ngăn cheăng kal kí ‘na troăng hơlâ mơnhông pêi cheăng kâ - rêh ối pơlê pơla ƀă kring vế, rak tơniăn pơlê pơla, cheăm bêng, kơpong Tây Nguyên troh a hơnăm 2030, hnoăng cheăng vâ pêi pro troh a hơnăm 2045 ah nếo.