Kơxo hâi lơ 25/5, pôa Trần Hồng Hà - Ngế pro xiâm phŏ hnê ngăn tơnêi têa pêi cheăng ƀă Khu mơhnhôk hriâm Việt Nam. Khu ngăn hnê mơhnhôk hriâm Việt Nam ƀă 23 rơtuh ngế kăn ƀô̆, mâu ngế tung khu dế pêi cheăng a dâng 140  rơpâu chi hội ƀă 125 rơpâu Khu ngăn mơhnhôk hriâm. Tung hơnăm hdrối, rêm râ tung khu đi đo cho mâu ki xiâm ai hnoăng cheăng mơhnhôk tâi tâng kuăn pơlê veăng pêi tŭm tơdroăng ‘na hriâm tâp, hriâm plâ rơxông.

Ki tơxâng vâ tối, hơnăm 2022, Liăn kơdĭng mơhnhôk hriâm rơkê Việt Nam hiăng ‘mâi rơnêu pro lâm hriâm ki hiăng tơ’nhiê, diâp hnoăng liăn hriâm ăm mâu hok tro kơtiê, hok tro, sinh viên ki rơkê ƀă mâu ngế hiăng kân ‘nâi mơ-eăm hriâm xêh ƀă tâi tâng kơxô̆ liăn lối 12 rơtal liăn.

Tối a rôh pêi cheăng, pôa Trần Hồng Hà púi vâ Khu ngăn mơhnhôk hriâm Việt Nam ƀă hiâm tuăn vâ mơ-eăm ƀă vâ pleăng hnoăng tơná pơtối pêi hnoăng cheăng ‘na hnê hriâm, hnê mơjiâng tuăn ngôa rơkê, vâ ai rê hên ngế ki rơkê pêi cheăng.

Pêi tro tơdroăng ki xiâm mơjiâng pơlê pơla rơhêng vâ hriâm, mơnhông mâu túa hriâm; Hriâm a rơpŏng hngêi, a hdrông hdrê, Tung kuăn pơlê ƀă tíu pêi cheăng.