Hneăng hôp châ tơkŭm po mơ’no tơdrêng tung um tiô troăng măng tơdjêp 14 kong pơlê kơpong tơbăng hbêa ngo ƀă kong ngo peăng Kơnhŏng tơnêi têa. Ngế pro xiâm phŏ hnê ngăn tơnêi têa kheăn kơdeăn tơdroăng po rơdâ pêi pro mâu tơdroăng pơkâ xiâm tơnêi têa dêi mâu kong pơlê tơbăng hbêa ngo ƀă kong ngo peăng Kơnhŏng tơnêi têa.

Nhên khât ăm hlo, tíu ki lâi khu râ kăn pơkuâ pêi pro kơtăng tíu mê ai tơdroăng cheăng pêi pro rĕng ƀă châ tơƀrê hên, ki rơhêng vâ tối tung tơdroăng séa ngăn ƀă pêi pro. ‘Na pêi pro kơxô̆ liăn ngân hiăng châ xing xoăng, Ngế pro xiâm phŏ hnê ngăn tơnêi têa pơkâ mâu kong pơlê tung kơpong hiăng châ xing xoăng kơxô̆ liăn ngân ăm 3 tơdroăng pơkâ xiâm tơnêi têa pêi pro tơdrêng ƀă mơ’no liăn ngân tâi kơxô̆ liăn hơnăm 2022 pơtroh a hơnăm 2023, mơ-eăm châ ki vâ iâ má môi 90% kơxô̆ liăn dêi hơnăm 2023.

Ngế pro xiâm phŏ hnê ngăn tơnêi têa xuân pơkâ mâu kong pơlê ôh tá mơ’no liăn tơprâ tơprŭng mê tơkŭm mơ’no pêi pro tơdroăng ki xiâm; pêi pro mâu mâu kơxô̆ liăn ki ê vâ pêi pro 3 tơdroăng pơkâ xiâm tơnêi têa, tơdrêng amê thăm hriâm túa ki rơkê tơtro pơla mâu kong pơlê tung po rơdâ pêi pro.