Kong pơlê Kiên Giang ai 120 rơpâu ngế ai hnoăng ƀă kăch măng hiăng châ mơnhên ƀă châ tŏng kum. Tung mê, ai 1.782 ngế jâ nôu châ pơxá ăm, vêh pơxá inâi Jâ Nôu Việt Nam Khên tơnôu. A rôh tơdah, pôa Trần Lưu Quang, Ngế pro xiâm phŏ hnê ngăn tơnêi têa pơtroh rơkong koh mơnê kơ mâu ngế ai hnoăng ƀă kăch măng kong pơlê Kiên Giang ƀă hlối pơtroh rơkong kơ-êng, mơhno hiâm mơno mơnê khât ƀă hnoăng hiăng tơplâ hlâ rêh dêi mơngế ki ai hnoăng kăch măng, ƀă tơdroăng hmâ pêi pro "Ai tơdroăng niân tiah hâi kố kơnôm ai hnoăng vâi krâ nah".

Khĕn kơdeăn kong pơlê Kiên Giang hiăng tơmâng khât troh kơ mâu ngế ai hnoăng ƀă kăch măng hlối tơmâng xo mâu tơdroăng pâ thế dêi mơngế ki ai hnoăng tối ‘na tơdroăng pro tâk kơxô̆ liăn tŏng kum ăm mâu ngế ai hnoăng, la pôa Trần Lưu Quang tối pơchân Kiên Giang kô chiâng pơkâ luât tŏng kum krê vâ veăng ‘no hnoăng tơdjuôm ƀă Tíu xiâm tơnêi têa vâ tơmâng tŏng kum ăm mâu ngế ai hnoăng tơnêi têa.