Ngế pro xiâm phŏ hnê ngăn tơnêi têa pói vâ Đảng ƀô̆, Khu râ kăn pơkuâ ƀă Kuăn pơlê cheăm Ea Tul pơtối mơnhông hiâm mơno rŭm môi tuăn, hbrâ tơdroăng tâi tâng kuăn pơlê rŭm môi tuăn tơniăn gâk kring, tơmiât pêi rơkê tung tơplâ mơdât mâu tơdroăng ki ôh tá tro, ‘nhê Đảng, Tơnêi têa ƀă pro hía tơdroăng rŭm môi tuăn hdroâng mơngế a cheăm tối tơdjuôm, kong pơlê Dak Lak tối krê, vâ kum mơjiâng pơlê pơla, tơniăn tơdroăng rêh ối lĕm dêi kuăn pơlê.

A hâi leh, kăn teăng mâ Khu xiâm pơkuâ Kŏng an, mâu râ kơvâ cheăng a Dak Lak hiăng diâp ƀâng kheăn kơdeăn ăm hên khu pú hên, ngế krê hiăng kơhnâ rơkê tung tơdroăng Tâi tâng kuăn pơlê gâk kring tơnêi têa a cheăm Ea Tul tung pơla kố nah. Ngế pro xiâm phŏ hnê ngăn Chin phuh hiăng diâp hên kơxuô tơmeăm ăm mâu rơpŏng ai hnoăng, pá puât a cheăm.