Kơxo lơ 19/7, pôa Võ Văn Thưởng, Kăn xiâm hnê ngăn tơnêi têa rơtế ƀă kăn pơkuâ hnê ngăn Đảng ƀă Tơnêi têa hiăng troh pleăng reăng, chôu nhăng tơbâ troh mâu ngoh khên tơnôu ki hlâ a Côn Đảo. Ƀă hiâm mơno pâ mơnê ó khât troh mâu ngoh khên tơnôu, mâu lêng kăch măng, kuăn pơlê ki pâ nhuô̆m tơnêi hiăng hlâ a Côn Đảo, tung tơdroăng hmái hơtĭng ƀă ƀriê phoih, pôa Võ Văn Thưởng, Kăn xiâm hnê ngăn tơnêi têa rơtế ƀă khu kăn hiăng chôu nhang tơbâ a tơnâp dêi pôa Lê Hồng Phong, Kăn xiâm pơkuâ hnê ngăn Đảng, ngế ki pâ nhuô̆m tơnêi têa Nguyễn An Ninh, Ngế khên tơnôu Võ Thị Sáu ƀă hên mâu ngế ki ê, pâ mơnê mâu ngế kuăn ki kơhnâ rơkê dêi hdroâng mơngế hiăng hlâ ăm Tơnêi têa.

Pôa Võ Văn Thưởng, Kăn xiâm hnê ngăn tơnêi têa hiăng pêt loăng chôu vế tung plông ilâng kiâ Hàng Dương. Klêi kơ’nâi leh chôu nhăng, pôa Võ Văn Thưởng ƀă mâu kăn hiăng veăng ai mâ ai rôh tơbâ hâi mâu lêng kăch măng ƀă hên hĭn kuăn pơlê pâ nhuô̆m tơnêi têa hiăng hlâ a Côn Đảo, têk on trĭng a tíu meăm chêh inâi 2.284 ngế lêng a Tíu xối tơbâ Côn Đảo.