Kơ’nâi 25 hơnăm mơjiâng ƀă pêi cheăng, Liăn ‘Măn kơdĭng Vừ A Dính hiăng diâp ăm hên ngế vâi o hok tro hdroâng kuăn ngo ki hriâm rơkê tung lâp tơnêi têa; hên ngế hiăng veăng pêi mâu tơdroăng tơkêa bro hnê hriâm ki trâu rơdâ tâ xua Khu rak liăn tơkŭm po, ing mê, veăng ‘no hnoăng ki kal vâ rế ai hên ngế rơkê pêi cheăng ăm tơnêi têa.

Kâu lăk ƀưô̆ Xua Hoàng Sa ƀă Trường Sa hmâ mơjo pâ hiăng tơbleăng pêi hên tơdroăng cheăng ai pơxúa khât, tơdjêp tơdroăng ‘nâi hơ-ui pâ, plâi nuih, hiâm mơno dêi mâu kuăn pơlê tung lâp tơnêi têa, veăng ‘no hnoăng cheăng pêi, ‘no ivá hiâm mơno... vâ veăng mơjiâng, kring vế Hoàng Sa ƀă Trường Sa dêi Tơnêi têa.

Pôa Võ Văn Thưởng, Kăn xiâm hnê ngăn tơnêi têa tối phiu ro hlo mâu tơdroăng pêi pro ai pơxúa kân khât dêi Liăn kơdĭng Vừ A Dính xua Kâu lăk ƀô̆ Xua Hoàng Sa ƀă Trường Sa hmâ mơjo pâ tung hên hơnăm hdrối nah.

Pôa Võ Văn Thưởng, Kăn xiâm hnê ngăn tơnêi têa tối kal pơtối rak vế pêi cheăng ai pơxúa dêi Liăn kơdĭng Vừ A Dính, pơtối pêi tiô tơdroăng hmâ pêi ki kơnía ki Liăn ‘mă kơdĭng hiăng mơjiâng; ôh tá la lâi pơtê kơjo kum, tŏng kum ai pơxúa ăm mâu vâi o hok tro kuăn ngo.