Kơxê hâi lơ 16/7, pôa Vương Đình Huệ - Kăn xiâm hnê ngăn Kuô̆k hô̆i ƀă khu  kăn dêi mâu kơ koan Kuô̆k hô̆i hiăng troh chôu nháng, tơbâ mâu ngế ai hnoăng hlâ xua tơplâ a kong pơlê Quảng Trị. A pơlê xiâm Quảng Trị, pôa Vương Đình Huệ rơtế ƀă mâu kăn tơbâ troh hnoăng kân dêi mâu ngế ai hnoăng hlâ tung rôh tơplâ  ƀă kring vế pơlê kong krâm Quảng Trị.

Tung rôh tơplâ 81 hâi măng tơplâ tơplong mê, rơpâu ngế lêng tơplâ tung lâp tơnêi têa ƀă mâu kuăn pơlê Quảng Trị hiăng tơplâ khên tơnôu, tơplâ troh hlâ, hlối hlâ a tơnêi mê. Pôa Vương Đình Huệ, Kăn xiâm hnê ngăn Kuô̆k hô̆i rơtế ƀă mâu kăn hiăng lăm chôu nhang, pleăng reăng a I lâng kiâ ‘mế mâu ngế hlâ ai hnoăng tơnêi têa a Trường Sơn. Kố cho tíu koi pơtê dêi mâu ngế hlâ ai hnoăng tung lâp tơnêi têa, hiăng hlâ tung rôh tơplâ xâ Mih, tŏng kum tơnêi têa.

Ki hên mâu ngế hlâ ai hnoăng tơnêi têa ki ‘mế a ilâng kiâ mê pơlê xiâm a peăng kơnhŏng. Kăn xiâm hnê ngăn Kuô̆k hô̆i rơtế ƀă mâu kăn ki pêi hnoăng cheăng hiăng chôu nhang pleăng reăng, a ilâng kiâ ‘mế mâu ngế hlâ ai Hnoăng tơnêi têa Đường 9, tíu kong pơtê hlông hlối dêi mâu ngế tơplâ khên tơnôu ta troh hlâ, ki hiăng tơplâ a tíu tơplâ Đường 9 ƀă a tơnêi kong têa pú Lếo tung plâ rông tơplâ xâ Mih, tŏng kum tơnêi têa.