Pơxiâm po Rôh hôp, pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi, a Rôh hôp kố, mâu kăn Kuô̆k hô̆i pêi cheăng ăm rơkong tơpui tối ƀă 08 tơdroăng tơkêa luât. Pơkâ thế mâu kăn tơkŭm tơpui tối leăng mâu tơdroăng ki ối ai mâu túa pơkâ pơrá phá dêi rơpó; Séa ngăn mâu tơdroăng ki nhên tung kơxop hlá mơéa luât hiăng rak vế tơniăn tro hlá mơ-éa pơkâ, tro Luât, tơdroăng ki môi tuăn, tơdâng ƀă tâi tâng mâu luât ki nếo châ pơkâ hiăng châ pơkâ chiâng luât há?

Pakĭng mê, ối tơmâng ngăn troh mâu pơkâ ‘na tơdroăng xúa luât. Malối, kal séa ngăn vâ pôi tá ăm ai tơdroăng ki tro vâi ‘nâi, hbrâ mơdât tơdroăng ki kâ kơluâ liăn ngân, tŏng kum tơdroăng bro pơxúa ăm dêi khu, pơxúa dêi kơ koan pơkuâ ngăn ki tá hâi châ ngăn tro troh mâu hnoăng ƀă pơxúa tro luât, tro dêi kuăn pơlê ƀă khu mơdró kâ.