Môi tiah môi roh hôp a mâu hneăng hôp dêi Kuô̆k hô̆i, mâu ‘’Kăn teăng mâ Kuô̆k hô̆i vâi hdrêng’’ rơtế ƀă mâu “Khu pêi cheăng tung Chin phuh vâi hdrêng’’ hiăng ai roh tơpui tơno, kơ-êng ƀă tiâ tối tơdroăng rak ngăn, gak ngăn ăm vâi hdrêng: Hbrâ, mơdât châi rong vâi hdrêng, pâm xiăn, ‘nêk mơ’nêa vâi hdrêng; Gâk kring vâi hdrêng tơdjâk tơdroăng ki lĕm, tơmiât pêi rơkê tung troăng măng.

Xông tơpui a Roh hôp mơnúa pơkâ pro “Kuô̆k hô̆i vâi hdrêng” roh má I, pôa Vương Đình Huệ, Kăn xiâm hnê ngăn tơnêi têa mơnhên, Đảng, Tơnêi têa ƀă lâp pơlê pơla đi đo tơmâng tŏng kum, rak ngăn, hnê hriâm vâi hdrêng, Kăn xiâm Hnê ngăn Kuô̆k hô̆i pơkâ thế mâu khu râ kăn pơkuâ hnê ngăn Đảng, khu râ kăn pơkuâ pơtối hlê plĕng trâu hơngế tiô troăng hơlâ, troăng prôk dêi Đảng, troăng hơlâ, luât dêi Tơnêi têa ‘na tơdroăng kring vế, rak ngăn, hnê hriâm vâi hdrêng.

Mâu troăng hơlâ, luât ‘na kring vế, rak ngăn, hnê hriâm vâi hdrêng, ‘na hbrâ mơdât pâm xiăn, ‘nêk mơ’nêa, pro pơlăm pơlối, tro rong râ vâi hdrêng hiăng châ tơbleăng ăm pêi pro tŭm, tơdâng tơ’mô, hiăng djâ châ tơƀrê hên tung tơdroăng rêh ối nôkố.