Kơxo hâi lơ 30/6, pôa Trần Hồng Hà, Ngế pro xiâm phŏ hnê ngăn Tơnêi têa pơkuâ rôh  hôp Vi ƀan Tơnêi têa ‘na mâu ngế hơnăm hiăng krâ a Tíu pêi cheăng Chin phuh. A rôh hôp, mâu ngế cheăng tung Vi ƀan Tơnêi têa ‘na mâu ngế hơnăm hiăng krâ pâ thế: Chin phuh hnê mơhno mâu kơ koan mơjiâng “Troăng rơhlâ Tơnêi têa ‘na mâu ngế hơnăm hiăng krâ tung tơdroăng rêh ối nếo nôkố” vâ teăn hbrâ ví ƀă tơdroăng rế krâ ‘na kơxô̆ kuăn pơlê Việt Nam; mơnhên klêi 5% kơxô̆ mơngế hơnăm hiăng klâ, dâng 500 rơpâu ngế ki hâi ai ƀaoh hiêm khăm pơlât, vâ 100% ngế hơnăm hiăng krâ ai theh ƀaoh hiêm khăm pơlât; ai luât pơkâ kơjo kum mơjiâng Tíu ki pơtê ối ki ăm mâu hơnăm hiăng krâ vâ mơhnhôk tăng pơlê pơla veăng kum.

Pakĭng mê, Mơnhông mơdêk rôe mâu tơmeăm xúa, tơmeăm rak ngăn khăm pơlât ivá mâu hơnăm hiăng krâ mơhnhôk tăng a kơpong krê dêi mâu kro mơdrŏng veăng rôe tơmeăm khăm pơlât ăm mâu ngế hơnăm hiăng krâ. Pôa Trần Hồng Hà tối nhên: Tơdroăng cheăng tơmâng tŏng kum, pơtối pêi hnoăng cheăng kum ăm mâu hơnăm hiăng krâ nôkố kal châ séa ngăn nhên tung pơla Việt Nam hiăng mot tung mâu hơnăm rế krâ kơxô̆ mơngế. Hơnăm 2023 thế tơmâng khât tâ, pro tơ’lêi hlâu ăm mâu ngế hơnăm hiăng krâ veăng ‘no hnoăng  cheăng ăm pơlê pơla.