Roh hôp kố hiăng mơdoh hên chôu phut vâ tơmâng mâu ngế hriăn plĕng ‘na khoa hok, mâu kăn ki hriăn plĕng ‘na pơlê pơla, pơkuâ ngăn ‘na tơnêi tíu dêi Hngêi rak liăn lâp plâi tơnêi ƀă tung tơnêi têa, hnối mơhno tối, tơbleăng khĕn mâu tơdroăng ki kal ai tơdjâk troh ‘na liăn ngân, pơkâ vê hdró tơnêi tíu.

Tung mê, ki hên, ki xiâm dêi tơdroăng séa ngăn hnoăng cheăng dêi tơnêi têa Việt Nam vâ ai tơdroăng tối tơbleăng, mơhno mơnhên ‘na tơnêi tíu dêi lâp tơnêi têa ƀă pơkâ pêi pro tơtro ‘na pơkâ yă tơnêi; hnoăng cheăng dêi mâu kong têa ‘na mơdrếo tơvêh tơnêi; túa pơkâ yă tê rôe tơnêi ing tơdroăng ki rơkê dêi lâp plâi tơnêi ƀă tơdroăng ki dế ai nôkố, pơkâ thế ƀă tơdroăng cheăng dêi Việt nam ‘na pơkâ yă tơnêi tíu, chêl thiăn drêng mơdrếo xo tơnêi, veăng kum vâ vêh pro pơlê nếo; mâu tơdroăng ki pâ thế ƀă Luât tơnêi tíu ki ‘mâi rơnêu ƀă hên mâu tơdroăng ki ê.