Tơdroăng tơkêa bro châ pêi pro tiô Hlá mơ-éa chêh tơrŭm cheăng pơla Kơ koan mơnhông mơdêk Hyôh kong prâi lâi plâi tơnêi Nhuk, Khu ngăn mâu ngế tro trếo ‘mêi dioxin Việt Nam ƀă Kơ koan Tơrŭm cheăng Lâp plâi tơnêi Nhuk. Troh nôkố, tơdroăng mê hiăng hnê ai 4 ngế kih sư ‘na pêi chiâk deăng 6 chuyên viên ‘na pơkeăng vâ veăng kum pơlât mơngế ki tro tơvê chó chêng kŏng xua tơdjâk trếo ‘mêi dioxin.

Pakĭng mê, Vi ƀan Nhuk kum Làng Cam cho pơlê tro tâ trếo ‘mêi hiăng krếo thế veăng tơlo liăn sap lối 270 ngế kuăn pơlê Nhuk, veăng ‘no liăn ngân mơjiâng pro hngêi lêm hlâm a ‘ngêi pêt kơchâi tung kơ‘lo ƀă pro mâu kơdrum deăng pêt kơchâi hơpê tŭm túa a Pơlê kong kân Hồ Chí Minh.

Ta troh nôkố, túa pêt kơchâi krúa hiăng pro pơxúa, hdrê pêt a mâu kơdrum mơdâ pêt pá gong pơlê kong kân. Mâu tơmeăm pêt pơtối ai hên chêh inâi krếo tơhrâ rôe ing măng Internet ƀă tê a kơdrum ăm mơngế ki troh lăm rôe vâ ví tơdroăng tê troh ing mâu tíu mơdró ki ê lăm rôe, ah lơ pro ai rơkâ ki tơdế rá ƀă kơdroh ki rơkâ ăm kơ mâu ngế ki chó chêng tơvê kŏng.