Tăng têa tôh kum klâng chiâk a kơpong “khăng khoăng ó” Dak Nông
Thứ năm, 11:00, 21/03/2024
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - Môi tiah Rơ’jíu Việt Nam hiăng tối tơbleăng, rơpâu hectar loăng plâi pêt a tơring Krông Nô, kơpong ‘’khăng khoăng ó’’ dêi kong pơlê Dak Nông dế tung tơdroăng ôh tá bê têa tôh, tơ’lêi ai kong tô khăng khoăng ó.
Pôa Nguyễn Văn Đại, Kăn pơkuâ tíu pêi cheăng tơring Krông Nô, Kŏng ti mơjiâng pro rơchôa - hno têa Dak Nông tối ăm ‘nâi, drêng kong tô khăng khoăng ó, tơring hiăng pêi cheăng ƀă mâu tơring ki achê môi tiah Dak Mil ƀă Dak Song vâ mơ’no têa ing mâu long rơchôa hno têa kân vâ tôh kế tơmeăm khoăng.
A ngiâ, hiăng châ tơdroăng môi tuăn dêi tơring Dak Mil mơ’no têa ing Hồ Tây (kơxô̆ têa lối 3 rơtuh met khô̆i) troh a tơring Krông Nô ing hno têa troh a têa plông Dak Sôr. Tiô pôa Nguyễn Văn Đại, Kŏng ti mơjiâng pro long rơchôa têa Dak Nông tơrŭm ƀă kơvâ pêi chiâk deăng ƀă khu râ kăn pơkuâ cheăm hiăng tơbleăng ăm kuăn pơlê nhên ‘na hâi khế mơ’no têa. Kuăn pơlê hiăng ƀă dế hbrâ vâ xúa têa kơnâ kô vâ hrik tôh loăng plâi.
Viết bình luận