A hneăng hôp, Vi ƀan pơkuâ Kuô̆k hô̆i pơkâ thế Chin phuh thâ mơjiâng, pơkâ luât ‘na 104 tơdroăng chêh nhên, hnê mơhno luât tơnêi ki (‘mâi hơ’lêh) rĕng djâ pêi pro mâu pơkâ tung luât, pơkâ dêi Kuô̆k hô̆i xúa tung rêh ối. Mâu kăn pâ thế Chin phuh ngăn nhên hnê mơhno a tơdroăng pơkâ mâu hlá mơ-éa ki ai chêh nhên pêi pro chiâng luât tung hơnăm 2024, tơniăn tơdroăng pêi, tơƀrê, tơdâng ƀă luât ki ai tơdjâk troh nếo tung Kuô̆k hô̆i tơbleăng môi tiah Luât Tơnêi, Luât Tê mơdró tơnêi hngêi trăng, Luât mâu khu tơrŭm cheăng ăm mung liăn.

Tơbleăng mơgêi hneăng Hôp, Kăn xiâm hnê ngăn Kuô̆k hô̆i Vương Đình Huệ tối nhên, kal tơkŭm pêi ahdrối pơkâ tơdâng tơ’mô ƀă tơƀrê tơdroăng ‘na luât, mâu pơkâ, tơdroăng cheăng pêi vâ pêi tro môi tuăn tung tâi tâng Đảng tá khu cheăng kal kí, rĕng djâ luât mê xúa tung rêh ối.