Kơxo hâi lơ 22/5, Viê̆n hriăn plĕng ‘na Mơnhông pơlê pơla tơrŭm cheăng ƀă Khu xiâm ngăn Plan International a Việt nam tơkŭm po tơdroăng “Tơbleăng mâu tơmeăm dêi tơdroăng tơkêa pro “O hơniâp ro”. Tơdroăng tơkêa bro kố cho vâ kum ăm tuăn mơno dêi mâu vâi droh rơtăm, vâi phô̆m xông kân hdroâng kuăn ngo ‘na tơdroăng tê rôe kuăn mơngế ƀă ‘na tơdroăng ki rĕng xo on veăng drêng tá hâi teăm tro hơnăm.

Tơdroăng tơkêa bro kố châ pơkâ pro tung 3 hơnăm (2020-2023) a 4 kong pơlê, tung mê ai: Hà Giang, Lai Châu, Quảng Bình ƀă Quảng Trị ƀă tơdroăng ki xiâm cho kum vâi vâi o phô̆m vâ xông kân hdroâng kuăn ngo tí tăng hlê plĕng ƀă châ ‘nâi mâu tơdroăng nếo ai ‘na hbrâ tơplâ mơdât ‘na tơdroăng rĕng thâ xo on veăng drêng tá hâi tro hơnăm ƀă hbrâ mơdât tơdroăng  tê rôe kuăn mơngế ing Tơdroăng ki xiâm vâ mơ’no tung Internet “O hơniâp ro”.

Tiô tơdroăng ăm ‘nâi hdrối, lối 17 rơpâu ngế vâi o droh rơtăm, vâi o phô̆m vâ xông kân cho hdroâng kuăn ngo sap ing 10 hơnăm troh a 24 hơnăm châ xúa ing tơdroăng tơkêa bro kố. A hneăng po kố, mâu vâi o kô châ tơpui tơno, êng tiâ dêi pó ‘na tơdroăng ki hlê plĕng, mâu tơdroăng tối tơbleăng vâ seá mơnhên ngăn rêm hneăng ƀă mâu tơdroăng ki ai păng ‘nâng ‘na tuá ki rĕng thâ xo on veăng drêng tá hâi teăm tro hơnăm ƀă tê rôe kuăn mơngế  Quảng Bình ƀă Quảng Trị, Hà Giang, Lai Châu.