Vi ƀan pơkuâ Kuô̆k hô̆i ăm rơkong tơpui tối tung kơxop hlá mơ-éa Pơkâ ‘na Kỷ niệm chương “Xua tơdroăng cheăng Kuô̆k hô̆i Việt Nam” ƀă kơxop hlá mơéa Pơkâ ‘na tơ’noăng khĕn kơdeăn ƀă mâu kăn Kuô̆k hô̆i, mâu kơ koan dêi Kuô̆k hô̆i, mâu kơ koan ối tung Vi ƀan pơkuâ Kuô̆k hô̆i ƀă kăn ƀô̆, mơngế pơkuâ ai hnoăng pơkuâ dêi Vi ƀan pơkuâ Kuô̆k hô̆i.

Têk kŏng tơbleăng 2 tơdroăng pơkâ kố, mâu rơkong tơpui tối a rôh hôp pơkâ thế Khu pêi dêi Hnoăng cheăng rĕng pơkâ hlá mơ-éa hnê mơhno, ‘na râ ki ai pơkuâ hnoăng mơnhên mâu tơdroăng tơmiât rơkê, troăng hơlâ, mâu tơdroăng ki hriăn ‘na khoa hok athế tơƀrê ƀă ối tung tơdroăng tơdjâk troh kơ koan, khu tơrŭm, mâu ngế krê, pêi klêi hlá mơ-éa, hồ sơ tơ’noăng, khĕn kơdeăn rĕng tí tăng ‘nâi plĕng hnê mơhno pêi pro séa ngăn diâp ăm mâu inâi tơ’noăng, tơdroăng tơ’noăng khĕn kơdeăn luâ tâ ƀă kăn Kuô̆k hô̆i tung hơnăm 2024.