Klêi hên hdrôh (‘mâi chêh), troh nôkố ki vâ tối tung hlá mơ-éa Luât tơnêi (‘mâi hơ’lêh) hiăng pơkâ nhên ‘na luât tơnêi ăm hdroâng kuăn ngo. Ing mê, pơkâ nhên luât pơkâ tŏng kum pơcháu tơnêi, ăm mung tơnêi ối, tơnêi pêi kâ ăm hdroâng kuăn ngo ki kơtiê a cheăm pơlê ki kơtiê xơpá tung cheăng kâ rêh ối, malối xơpá vâ tơniăn tơdroăng rêh ối.

Ƀă luât pơkâ pơcháu tơnêi ối, tơnêi pêi kâ, hlá mơ-éa luât pơkâ nhên pơcháu tơnêi, ăm mung tơnêi rôh apoăng ƀă pơtối pơcháu tơnêi, ăm mung tơnêi ăm kuăn pơlê hdroâng kuăn ngo ôh tá ai tơnêi pêi chiâk pơchông ƀă hdrối nah kơlo klêi hiăng châ pơcháu, ăm mung tơnêi.

Hlá mơ-éa luât xuân ‘mâi hơ’lêh pơkâ ‘na ngế ki pro hlá mơ-éa xuá tơnêi ai tơdroăng pơkâ. Ing mê, kuăn pơlê hdroâng kuăn ngo châ ăm ngế ki pơtối túa tơnêi ƀă vâ pơtối xúa tơnêi; châ ăm ngế tung rơpŏng hngêi pơtối xúa tơnêi ki châ pơcháu, ăm mung. Pakĭng mê, tơ’nôm pơkâ xo tơvêh tơnêi vâ pêi tơdroăng tơkêa bro xoăng tơnêi ối, tơnêi pêi kâ ăm hdroâng kuăn ngo.