Tung hâi lơ 3/11 kố nah, Kuô̆k hô̆i hiăng ‘măn ăm plâ hâi tơpui a hngêi hôp kân ‘na mâu tơdroăng ki tối pơrá phá dêi rơpó dêi hlá mơ-éa Luât Tơnêi (‘mâi hơ ‘lêh). Tiô tối tơbleăng, Kuô̆k hô̆i  kô tơbleăng Luât tơnêi (mâi hơ’lêh)  a rôh hôp má 6.

Laga, Kăn xiâm hnê ngăn Vi ƀan Cheăng kâ dêi Kuô̆k hô̆i  Vũ Hồng Thanh ăm ‘nâi, nôkố tơdroăng tơkêa Luât ối 21 tơdroăng ki tối pơrá phá dêi rơpó, pâ Kuô̆k hô̆i  hnê tối. Hên ngế kăn tối, kố cho tơdroăng tơkêa luât ki kal khât, kal thế séa ngăn nhên hdrối vâ tơbleăng. Malối cho pơkâ xo tơvêh  tơnêi xua ki pơxúa dêi tơnêi têa, dêi pơlê pơla; ‘na ki pơcháu ăm tơnêi hnoăng xúa tơnêi pêi chiak, ki iâ gá tơnêi pêt báu ƀă hnoăng chiâng xúa pêi tơnêi dêi Việt Nam pro pơlê nếo  a kong têa ê; lơ hnoăng ki pơkâ yă tơnêi.