Pơtối tơdroăng hôp rôh má 21, hâi lơ 17/3, Vi ƀan pơkuâ Kuô̆k hô̆i ăm hnê tối tung hlá mơ-éa Luât Hngêi ối (‘mâi hơ‘lêh). Tung hlá mơ-éa chêh pơtroh tơdroăng tơkêa Luât Hngêi ối (‘mâi hơ’lêh) pơtroh ăm Vi ƀan pơkuâ cheăng Kuô̆k hô̆i, Chin phuh tối kal thế tơ’nôm tơdroăng pơkâ nhên vâ mơnhên, pơtê hnoăng xúa hngêi ối tơdjuôm pú hên tâng hngêi ối tơdjuôm mê ôh tá ai tŭm xếo tơdroăng ki tơniăn ăm mơngế xúa. hên ngế tối, pơkâ ‘na khế hơnăm xúa hngêi ối tơdjuôm pú hên kô chiâng ai mâu tơdroăng kal tối nhên, môi tiah: Tơdroăng tơmiât ‘na tê mơdró hên ngế ôh tá hêng vâ rôe hngêi ối tơdjuôm, tơdjâk kân troh tơdroăng tê mơdró tơnêi hngêi trăng.

Hdrối mê, Luât Hngêi ối a hơnăm 2014 hiăng pơkâ nhên khế hơnăm hngêi ối tơdjuôm drêng hiăng tâi hơnăm xúa la ôh tá ai tŭm ki tơniăn ăm mơngế ối mê thế ‘nhiê tah, mơjiâng pro nếo. Laga, tung hơnăm hdrối mê hía nah tơdroăng ‘nhiê, ‘mâi pro nếo hngêi ối tơdjuôm a mâu kong pơlê, malối a Hà Nội, Pơlê kong kân Hồ Chí Minh hrá pro, trâm hên xơpá.