Pơtối tơdroăng roh hôp má 23, kơxo kố lơ (12/5, Vi ƀan pơkuâ Kuô̆k hô̆i tơmâng Mơ-éa tơbleăng ‘na pơkâ mơjiâng tơdroăng tơkêa bro Luât pâ pro pơhlêh chiâng kơnốu lơ kơdrâi. Pôa Nguyễn Anh Trí, Kăn teăng mâ Kuô̆k hô̆i tối ăm ‘nâi: Tơdroăng mơjiâng pro hô sơ tơdroăng tơkêa bro Luât vâ pơkâ chiâng luât troăng pơkâ, troăng pêi, troăng hơlâ dêi Đảng, Tơnêi têa ‘na tơniăn ƀă pêi pro hnoăng kuăn mơngế, pêi pro pơkâ dêi Khu luât xi vil ƀă Luât ai tơdjâk ‘na pâ pro pơhlêh chiâng kơnốu lơ kơdrâi, hnoăng nhŏng o dêi mơngế ki pâ pro pơhlêh chiâng kơnốu lơ kơdrâi.

Tơdroăng tơbleăng môi luât vâ ‘mâi rơnêu ‘na tơdroăng pâ pro pơhlêh chiâng kơnốu lơ kơdrâi vâ pơkâ a troăng 37 dêi Khu luât xi vil, tơxâng tơdroăng kal nôkố dêi môi khu ngế tung pơlê pơla, châ pêi pro pâ pro pơhlêh chiâng kơnốu lơ kơdrâi tiô pơkâ dêi luât vâ rêh tro ƀă ki kơnốu lơ kơdrâi dêi tơná.