Tơbleăng a hneăng hôp, Kăn phŏ, ngế phŏ pơkuâ   Vi ƀan Kuăn ngo Y Thông, Ngế pơkuâ  khu kăn Việt Nam a  Vi ƀan ngăn ‘na hlá mơ-éa luât  lâp plâi tơnêi CERD tối nhên: Sap hơnăm 2013 troh nôkố, tơdroăng ‘na Luât Việt Nam đi đo châ mơjiâng ƀă chêh pro klêi  tơdâng, ai tiô  ‘na pơkâ hnoăng dêi kuăn mơngế tung mê ai tá tơdroăng pro tơniăn mâu hnoăng ƀă pơxúa kal khât dêi hdroâng kuăn ngo. Tung 10 hơnăm hdrối, Kuô̆k hô̆i Việt Nam hiăng pơkâ 125 luât, tung mê ai 352 tơdroăng luât tơdrêng tơdjâk troh hnoăng pêi pro ƀă ki pơxúa dêi mâu hdroâng kuăn ngo.

Tung lâp plâi tơnêi, Việt Nam hiăng mơ-eăm veăng hôp, tơpui hnoăng rêh ối dêi kuăn mơngế, mơdât ki pơrah hdrôh mơngế, tơhrâ pêi pro mâu tơdroăng Tơhrâ dêi lâp plâi tơnêi ki Việt Nam cho tung khu. Ngế Xiâm phŏ, Ngế phŏ pơkuâ Vi ƀan kuăn ngo Y Thông tối Việt Nam đi đo nhoăm ƀă kring vế mâu hnoăng ăm kuăn mơngế hdroâng kuăn ngo ƀă mâu ngế kong têa ê ki rêh ối a Việt Nam, malối cho sap Việt Nam mot tung khu ngăn hlá mơ-éa luât  lâp plâi tơnêi  ‘na xut tah tŭm tơdroăng ki pơrah hdroâng mơngê (CERD) a hơnăm 1982.