Tơmeăm khoăng mê ai tơnêi mơjiâng pro lối 220m2, tơnêi pro 440m2, châ vê hdró pro lĕm ƀă ok trăng ƀê tong ai meăm, khung meăm thép ƀă trếo ôh ta tro têa lu, ai tiô tơdroăng vâ djâ lăm ối tíu ê, ối tơdjuôm môi tíu ăm kuăn pơlê drêng kong prâi ôh tá tơniăn, tâi tâng kơxô̆ liăn ‘no vâ chê 1,5 rơtal liăn ing kơxô̆ liăn pơlê pơla, tiô tối hdrối pê klêi akhế 9/2026.

 Tơmeăm khoăng mơdêk hbrâ mơdât xía vâ kong prâi pro ôh tá tơniăn, pơtối pêi tơbrê dêi rôh lăm pơlâ Quang Trung hiăng kơjo mơjiâng, rơdêi hngêi ối ăm kuăn pơlê klêi têa lân lu. Krê a Hòa Thịnh, lối 100 toăng hngêi lĕm hiăng châ pro ăm mâu rơpŏng ki hngêi tơhnâp lơ tro têa mơhíu tâi.