Khu hnê mơhno 515 kong pơlê Lâm Đồng hiăng mơjiâng 5 tôh pêi cheăng vâ tơbleăng xo túa, pơcháu túa kơxêng mơngế ki hlâ ai hnoăng a mâu tơnâp ki hâi ‘nâi nhên inâi hdrông mâu tơdroăng ki ê  ilâng kiâ ‘mế mâu ai hnoăng tung kong pơlê. Kong pơlê Lâm Đồng nốkố ai 12  to ilâng kiâ ‘mế mâu ngế hlâ ai hnoăng, tung mê ai 11 to ilâng kiâ kal thế xo ngăn túa ƀă pơcháu túa kơxêng kiâ mơngế ki hlâ ai hnoăng. Tung tâi tâng kơxô̆ tơnâp ‘mế mơngế hlâ ai hnoăng ki hâi ‘nâi inâi mâu tơdroăng kal xo ngăn túa mê ai 4.845 to tơnâp.

Ilâng kiâ mâu ngế hlâ ai hnoăng a cheăm Đức Linh châ rah xo cho tíu tơbleăng pêi apoăng xo ngăn túa kơxêng kiâ, klêi mê pơcháu túa ƀă kơxô̆ hoă tơdroăng’na kơxêng kiâ mê vâ po rơdâ tung lâp kong pơlê. Akố, mâu tíu pêi cheăng xo ngăn 55 túa a kơxêng kiâ, rak tơniăn, ‘măn ilĕm ƀă pơcháu tro tiô pơkâ; hlối pêi ngăn tiô kơxô̆ hoă mâu tơdroăng vâ ‘nâi, po ngăn mâu ‘noăng chư chêh tung kơmăi vâ pơxúa ăm tơdroăng rak ngăn ƀă mơnhên ngăn ADN.