Pơtối mê, mâu ngế cho kăn ƀô̆, kŏng chưk, viên chưk, mơngế pêi cheăng, mơngế pêi cheăng ôh tá pêi inhên môi tơdroăng cheăng a râ cheăm, rơlối xua rah xo bro lế lĕm tơtro tíu pêi cheăng pơkuâ tơnêi têa, kô châ tŏng gum tơ’nôm môi xôh ƀă 50% tâi tâng kơxô̆ liăn châ kâ tiô pơkâ a Pơkâ kơxô̆ 29/2023 dêi Chin phuh.

Hâi khế tŏng gum cho 5 hơnăm ƀă kăn ƀô̆, kŏng chưk, viên chưk ƀă 12 khế ƀă mơngế pêi cheăng, mơngế pêi cheăng ôh tá pêi inhên môi tơdroăng cheăng, sap ing pơkâ dêi Vi ƀan pơkuâ Kuô̆k hô̆i ‘na tơdroăng rah xo bro lế lĕm tro tíu pêi cheăng pơkuâ tơnêi têa râ cheăm kong pơlê Dak Lak ai xêt khât pêi pro.

Khu pơkuâ kăn ƀô̆ kong pơlê Dak Lak tối ăm ‘nâi: kong pơlê xuân dế pơtối pêi pro séa ngăn mâu ngế kăn ƀô̆, kŏng chưk, viên chưk, mơngế pêi cheăng, ngế pêi cheăng ôh tá pêi inhên môi tơdroăng cheăng a râm cheăm rơlối xua rah xo bro lế lĕm tro tíu pêi cheăng pơkuâ tơnêi têa râ cheăm.