Tiô pơkâ, ngế ki châ gum mê cho kăn ƀô̆, kong chưk, viên chưk hiăng troh hơnăm vâ pơtê cheăng tung pơla 60 khế ƀă ngế pêi cheăng ôh ti xê hmâ râ cheăm pơtê cheăng tung pơla 12 khế ing hâi Pơkâ kơxô̆ 1195 dêi Vi ƀan pơkuâ Kuô̆k hô̆i ‘na xing xoăng tíu pêi cheăng râ cheăm kong pơlê Gia Lai châ xêt khât (ing hâi lơ 1/11/2024).

Mâu ngế ki ai tŭm tơdroăng kô châ xo liăn tŏng gum tơ’nôm pakĭng mâu kơxô̆ liăn dế châ xúa nôkố tiô pơkâ dêi Tơnêi têa. Pơkâ cho hvêa chêng prôk ki nhên dêi kong pơlê Gia Lai tung tơdroăng ki rak vế tơniăn hnoăng pơxúa ăm ngế pêi cheăng tro tơdjâk, tơdrêng amê hlối pêi pro tơƀrê tơdroăng cheăng ki pro tơkŭm iâ kơ koan cheăng tơnêi têa.