Kuăn pơlê tơring Thường Xuân pâ thế ai troăng hơlâ tŏng gum krê ăm tơring peăng kong ngo châ rak mâu troăng hơlâ tŏng gum drêng hiăng hluăn ing kơtiê lơ hiăng plah thôn pơlê nếo tơ’nôm 5 – 10 hơnăm. Kuăn pơlê rơhêng vâ Kuô̆k hô̆i séa ngăn ‘mâi rơnêu, ‘mot tơ’nôm troăng tŏng gum ăm mâu vâi hdrêng, khu lêng kuăn pơlê, hdroâng kuăn ngo ki iâ mơngế.

Tối nhên Khu kăn Kuô̆k hô̆i kong pơlê Thanh Hóa kô tơmâng xo tŭm mâu rơkong pâ thế vâ chêh xo pơtroh ăm Kuô̆k hô̆i, Chin phuh, mâu khu xiâm, kơvâ cheăng Tơnêi têa ki ai tơdjâk vâ pơtối hriăn ngăn tŏng gum. Mâu rơkong pâ thế ối tung hnoăng pơkuâ tŏng gum dêi kong pơlê, Kăn xiâm hnê ngăn tơnêi têa pơkâ thế mâu kăn pơkuâ kong pơlê, kăn pơkuâ tơring tơmâng xo séa ngăn, tŏng gum tiô hnoăng pơkuâ tung pơla rĕng má môi, pêi pro châ tro tiô tơdroăng ki rơhêng vâ tơxâng dêi kuăn pơlê tơring Thường Xuân.

Drêng kố, Grup pơkuâ kŏng ngiê̆p viễn thông khu lêng Viettel ƀă Hngêi rak liăn Thương mại cổ phần lêng hiăng diâp 6 rơtal liăn vâ pro 100 toăng hngêi ăm mâu rơpŏng xơpá ‘na hngêi ối a tơring Thường Xuân.