Mâu hơnăm hdrối nah, tơdrêng ƀă mâu droh rơtăm tung lap tơnêi têa, mâu hdroâng kuăn ngo kong pơlê Dak Lak pơtối mơhno hnoăng cheăng, ôh tá pơtê hriâm ƀối, rơnêu pât, mơ-eăm mơnhông tung rêh ối. A tơdroăng trâm mâ, mâu sinh viên kơhnâ rơkê troh veăng pêi hên tơdroăng môi tiah: Chôu nhang a Tíu meăn tơbâ mâu lêng Nam Tiến ƀă pleăng reăng a Tíu meăm um Pôa Hồ; tơdroăng pêi pro “Tăng ‘nâi ‘na túa lĕm tro”, hneăng hôp “Tơpui tơno ‘na túa lĕm tro sinh viên Dak Lak tung tơrŭm ƀă mơnhông  tơƀrê, tơpui tơno “tơdjêp pơla sinh viên ƀă mơngế cheăng mơdró kâ rơkê, cheăng krê, khu mơdró  kâ’’.

Rôh kố, Khu sinh viên Việt Nam kong pơlê Dak Lak hiăng khĕn kơdeăn 50 ngế sinh viên kuăn ngo kơhnâ rơkê; tơkŭm trâm mâ Kâu lăk ƀô̆ Túa lĕm tro sinh viên Dak Lak. Câu lăk ƀô̆ châ mơjiâng vâ pro plông xah hêi ki pơxúa, gum mâu hơnăm ối nếo ai rôh tăng hlê plĕng ƀă rak tơniăn ki pơxúa túa lĕm tro ton nah dêi hdroâng kuăn ngo tơná.