VOV4.Sêdang - Hâi lơ 29 khế 9 kố nah, roh apoăng Khu hnê mơhno cheăng Tây Nguyên tơku\m kheăn kơdeăn 200 ngế kăn [o# thôn, pơlê ki kơhnâ rơkê. Kố cho mâu ngế ai hnoăng veăng kum hên tung tơdroăng rak vế tơniăn tơdroăng pơkuâ ngăn a thôn pơlê, po rơdâ pêi pro mâu troăng hơlâ, hnoăng cheăng pơcháu dêi Đảng [a\ Tơnêi têa troh [a\ kuăn pơlê a kơpong Tây Nguyên. Tung mê, pôa Y Than Adrơng – Kăn pơkuâ [uôn Kroa B, cheăm }uôr Dăng, tơring }ư Mgar, kong pơlê Daklak, môi ngế ki kơhnâ rơkê tiah mê. Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tối ‘na pôa.

          Rơpo\ng jâ H’Nhinh Êban, ối a [uôn Kroa B nếo to dêi hngêi nếo, châ mơnhên hluăn ing kơtiê ăm ‘nâi: mâu tơdroăng ki pêi cheăng kâ dêi rơpo\ng ai ivá kum dêi pôa Y Than Adrơng, kăn pơkuâ pơlê. Châ tơdroăng ki hnê mơhno, kum kơhnâ dêi kăn pơkuâ pơlê [ă mâu khu tơru\m pú hên, rơpo\ng jâ [ă hên rơpo\ng ki ê tung pơlê hiăng châ mung xo ing hngêi rak liăn vâ păn mơnăn mơnoâ, pêt kơphế [ă tiu châ tơ-[rê, mơ-eăm hluăn ing kơtiê. Xua mê, um méa ‘na môi kăn pơkuâ pơlê  kơhnâ, achê [ă kuăn pơlê đi đo châ vâi krâ nho\ng o tung [uôn Kroa B tơmâng xo. Jâ H’Nhinh Êban tối: Kăn pơkuâ pơlê kơhnâ khât, môi tuăn khât [ă vâi krâ nho\ng o, pôa kum vâi krâ nho\ng o hên khât ‘nâng. Môi tiah rơpo\ng á, hdrối nah cho rơpo\ng kơtiê, châ kăn pơkuâ pơlê hnê mơhno, chêh bro hlá mơ-éa vâ mung liăn tơnêi têa, mê ah kăn [o# tung pơlê hnê ăm pin túa păn chu, păn pu pái, pêt kơphế, tiu hlo châ tơ-[rê khât.

{uôn Kroa B

          Cho ngế kuăn pơlê tung [uôn Kroa B, sap ing klêi kơ’nâi hâi tơleăng le\m peăng hdroh pro tơnêi têa tơru\m chiâng môi, Y Than Adrơng hiăng veăng tung tơdroăng ki hnê chư ăm vâi krâ nho\ng o a mâu pơlê. Y Than Adrơng kơhnâ khât veăng mâu tơdroăng tơ’noăng xua mâu khu tơru\m Đoân droh rơtăm tối tơbleăng. Cho ngế chi [o# pơkuâ khu ngăn kuăn pơlê ki pêi chiâk pêi deăng [uôn Kroa B, pôa ối cho ngế ki hnê tối mâu tơdroăng ki xúa khoa hok kih thua#t tung pêt mơjiâng kế tơmeăm, hnê tối ăm vâi krâ nho\ng o túa pêt kơphế, pêt tiu, păn mơnăn châ tơ-[rê. Tung môi roh veăng tung tơdroăng mơjiâng hngêi hôp tơdjuôm pơlê, ôh tá mơhúa pôa tro rong, tơpê chêng. Mơhé, ivá ôh tá mo, prôk lăm tơpá, la [ă tuăn hiâm ki kơhnâ [ă tơdroăng cheăng, pôa xuân ối troh tơrêm rơpo\ng tung pơlê. Rêm tơdroăng cheăng dêi pơlê  pơrá châ hôp tơpui tơno môi tuăn pơla chi [o#, kăn pơkuâ pơlê, Khu ki pơkuâ ngăn ‘na hnoăng cheăng Măt tra#n [ă khu pú hên. Pôa Y Roh Niên, kăn pơkuâ cheăng Măt tra#n [uôn Kroa B tối: Tuăn hiâm dêi ngế kăn pơkuâ pơlê tơdroăng pá klâi xuân ‘mâi rơnêu, ôh tá tơbrêi tơbrêh, lôi dêi tơdroăng cheăng rơpo\ng hngêi kum tơdroăng cheăng ăm tơnêi têa i klêi. Kăn pơkuâ pơlê cho ngế ki djâ troăng ahdrối, tối tơbleăng, hnê tối vâ kuăn pơlê ‘nâi nhên troăng hơlâ dêi Đảng [ă Tơnêi têa. Ngin đi đo ai tơdroăng tơru\m, séa ngăn mâu rơpo\ng ki lâi cho rơpo\ng kơtiê mê pơkâ mơ’no vâ hnê tối, pêi pro ki nhên ăm kuăn pơlê mung liăn pêi cheăng tro tơdroăng.

Pôa Y Than Adrơng, Kăn pơlê dế tơpui tơno [ă nho\ng o

          {uôn Kroa B ai lối 400 rơpo\ng, [ă lối 2 rơpâu pơ’leăng mâ mơngế, ki hên cho vâi krâ hdroâng kuăn ngo Rơđế. Sap ing môi tíu ki xiâm ‘na tơdroăng kring vế tơdroăng kal kí, ki hên rơpo\ng kuăn pơlê tung pơlê ối  kơtiê, kơklêa, la nôkố [uôn Kroa B hiăng hlo hơ’lêh nhên khât. Tơdroăng kố xua ai hnoăng to\ng kum dêi pôa Y Than, kăn pơkuâ pơlê. Tơdroăng pêi ki le\m má môi achê kố cho, pôa hiăng mơhnhôk kuăn pơlê tung pơlê veăng kum 40 rơtuh liăn, veăng kum hâi pêi cheăng vâ pro kông tơkâ hluâ têa Kroa, kum tơdroăng ki prôk lăm [ă pơto chơ kế tơmeăm tơ’lêi hlâu. Tung roh tơ’noăng mơjiâng thôn pơlê nếo, kuăn pơlê [uôn Kroa B xuân kơhnâ khât ‘no dêi ivá pêi cheăng, tơlo liăn vâ pro troăng tung pơlê, toi kơxái on tơhrik troh a rêm hngêi. Pôa Hoàng Viết Cát, kăn hnê ngăn Vi [an cheăm }uôr Dăng, tơring }ư\ Mgar ăm ‘mâi: Ngoh Y Than Adrơng, kăn pơkuâ [uôn Kroa B, tơdroăng veăng kum dêi ngoh [ă tơdroăng ki tơ’noăng dêi pơlê, cheăm tối tơdjuôm [ă pơlê pơla gá hiăng hôm khât. Ngin hlo nhên ga tiah kố, ai hnoăng pôu râng tơdroăng, malối ôh ti xê đảng viên la tơdroăng ki djâ troăng ahdrối gá kơhnâ khât. Rêm roh pơlê, cheăm tối tơbleăng tơdroăng cheăng mê ngoh kơhnâ khât [ă tơdroăng cheăng. Tung pơla hdrối nah tối tơbleăng tơdroăng mơjiâng thôn pơlê nếo mê hnoăng cheăng dêi kăn pơkuâ pơlê gá kal khât tung mơhnhôk ivá kuăn pơlê veăng pêi.

Tơdroăng rêh ối, pêi cheăng dêi {uôn Kroa B rế hía rế hơ'lêh

           Vâ chê 7 hơnăm châ kuăn pơlê pôk pro kăn pơkuâ pơlê, pôa Y Than Adrơng hlo sôk ro khât, tơdroăng ki hơ’lêh dêi thôn, pơlê. Apoăng khế 9 kố, [uôn Kroa B châ Vi [an hnê ngăn kong pơlê Daklak mơnhên cho ‘’Pơlê hloh hlê rơkê ple\ng djâ troăng a hdrối’’ tung tơdroăng tơ’noăng ‘’Tâi tâng kuăn pơlê tơru\m mơjiâng tơdroăng rêh ối hloh hlê rơkê ple\ng’’. Tơná pôa Y Than Adrơng châ diâp [âng khe#n kơdeăn, drêng kố pôa châ Khu hnê mơhno cheăng Tây Nguyên khe#n kơdeăn. {ă tuăn hiâm ai hnoăng pôu râng dêi tơná pin pro tiah lâi pêi tâi ivá kum kuăn pơlê, ai drêng ‘nâ á prôk tung kong măng. Hnoăng pôu râng dêi tơdroăng cheăng râ kơpêng pơcháu, pin athế mơ-eăm. Ki apoăng cho rơpo\ng hngêi tơná athế hnê dêi kuăn hriâm tâp, mê ah nếo tối tơbleăng ăm thôn, pơlê, kuăn pơlê pêi pro tro tiô troăng hơlâ dêi Đảng, luât dêi tơnêi têa, tơniăn ‘na tuăn hiâm, pêi cheăng, mơnhông mơdêk cheăng kâ rơpo\ng hngêi, pôi tá hmâng mâu rơkong pơlông djâ dêi mâu khu ‘mêi.

          Ivá mơ-eăm vâ kum rơtế [ă thôn, pơlê hơ’lêh nếo, mê cho ivá dêi kăn pơkuâ pơlê đi đo pêi tâi ivá tơná [ă tơdroăng cheăng.

Katarina Nga tơplôu [ă tơbleăng.