VOV4.Sêdang - Tung 18 ngế teăng mâ dêi kong pơlê Kon Tum veăng lăm tơ’noăng pâ nhoa#m tơnêi têa tung lâp tơnêi têa rôh má 9 hơnăm 2015 ai nâ Y Ró, kuăn ngo Rơteăng ối a cheăm Măng Cành, tơring Kon Plong. Tung hơnăm hiăng hluâ, pơtối râk vế hnoăng cheăng cho Kăn pho\ hnê ngăn khu vâi kơdrâi cheăm, nâ Y Ró ai hên tơdroăng hriăn ple\ng kum vâi nâ o hơ’lêh túa tơche\ng tơmiât, túa pêi cheăng ki pro pơxúa tung tơdroăng cheăng dêi Khu [ă tung rêh ối dêi rêm ngế. Tơdroăng thôn pơlê nếo ki apoăng dêi hơnăm 2016, Khoa Điềm, ngế chêh hlá tơbeăng tối tơbleăng ‘na môi ngế kơdrâi ki pêi hên tơdroăng cheăng kố.

Hâi ki lâi xuân môi tiah mê, tâi chôu pêi cheăng a Vi[an hnê ngăn cheăm Măng Cành, nâ Y Ró, kăn hnê ngăn vâi kơdrâi cheăm vêh [ă mâu nâ o tung khu a mâu thôn, pơlê. Cho ngế kuăn dêi hdroâng kuăn ngo Rơteăng kot mâ [ă xông kân a tơnêi Măng Cành. Y Ró ‘nâi nhên mâu tuăn hiâm tơmiât dêi mâu vâi kơdrâi hdroâng kuăn Rơteăng. Vâ mâu vâi nâ o tung khu loi tơngah dêi tơná mơ-eăm tơkâ hluâ mâu tơdroăng pá tung rêh ối. Y Ró tí tăng ‘nâi ple\ng tơdroăng rêh ối dêi rêm ngế, ing mê, mơ-eăm tối tơbleăng, tơpui leăng, hnê mơhno ăm mâu nâ o pêi pro rêm tơdroăng cheăng pêi ki nhên, môi tiah: Vâ rak vế ivá châ chăn kal rêh ối krúa le\m, tung tơdroăng ki păn mơnăn mơnoâ, pêt tơmeăm a thế ‘nâi rơvât phon hbrâ mơdât pơreăng [ă hên tơdroăng ki ê. Nâ Y Tuấn, ngế ki ối tung Chi ho#i vâi kơdrâi pơlê Kon Chênh ăm ‘nâi: Nâ Y Ró rêm hâi, rêm khế đi đo lăm pôu a thôn tối tơbleăng ăm vâi nâ o pêi pro tro cheăng kâ rêh ối, mơgrúa le\m troăng prôk tung pơlê, tung hơlâ troăng, hngêi ối krúa le\m. Nâ xuân mơhnhôk mâu ngế nâ o cheăng kâ mơnhông mơdêk kum mâu ngế ki tơpá. Sap ing ai nâ Y Ró tối tơbleăng mê nôkố thôn Kon Chênh hiăng hlo hơ’lêh [ă mơnhông tơtêk. Nâ o xuân hiăng hluăn ing tơdroăng kơtiê. Kơnôm nâ Y Ró mê nôkố xuân hiăng ai hmê kâ, tơmeăm chôu.

Hlo tơdroăng ki ai khât kố vâi nâ o tung cheăm tá hâi hmâ [ă tơdroăng hrê liăn ngân ki kơd^ng, nâ Y Ró mơhnhôk, hnê mơhno 22 ngế nâ o tung Chi ho#i pơlê Đak Ne mơjiâng khu rak liăn kơd^ng. Vâ mâu nâ o ki ôh tá ‘nâi chư xuân chiâng vâ veăng pêi, nâ Y Ró ai tơmiât xúa tăm po\ng. Kơnôm mê vâi nâ o tơ’lêi ‘nâi to lâi hdrôh ki tơná  veăng tơlo ho\ng tăm po\ng ki châ klâk. Bu 10 rơpâu liăn môi hdrôh veăng tơlo, mơ’nui hơnăm 2011, khu rak liăn kơd^ng kố dêi Chi ho#i vâi kơdrâi pơlê Đak Ne ai lối 11 rơtuh liăn. Sap ing kơxo# liăn ki kố 6 ngế nâ o ki xơpá châ mung xo kơxo# liăn roê hdrê chu vâ păn. Mơnhên tối ‘na túa pơkâ kố, pôa A Ning, kăn hnê ngăn Vi[an cheăm Măng Cành ăm ‘nâi: Hdrối nah, kuăn pơlê tá hâi ‘nâi kơd^ng liăn, ai to lâi mê hrê tâi to mê. Drêng ai nâ Y Ró mơhnhôk kơd^ng mê nốkố mâu nâ o hiăng hmâ [ă tơdroăng ki veăng tơlo liăn. Ôh tá ai xếo tơdroăng ki tơkôm to khu râ kơpêng to\ng kum môi tiah hdrối nah. Khu pơkuâ ngăn Đảng ủy cheăm xuân hnê mơhno cho kal athế po rơdâ túa pơkâ kố a mâu thôn ki ê vâ pro ăm thôn ki ê xuân rơkê tăng châ môi iâ liăn cho tơdroăng ki ôh tá tơ’lêi, athế ‘nâi xúa túa kơd^ng ‘no hrê ti lâi ăm tơtro.

Pák^ng tơdroăng rak vế pêi pro tro Rôh mơhnhôk ‘’Mơjiâng rơpo\ng hngêi 5 ôh, 3 krúa’’ [ă túa pơkâ kơd^ng liăn Chi ho#i vâi kơdrâi pơlê Đak Ne pêi cheăng tơ-[rê. Tơdroăng ki apoăng Y Ró dế ối pro chiâng tơdroăng pêi pro ki nếo tung tơ’noăng pêi cheăng kâ a cheăm Măng Cành ki xiâm cho tơdroăng vâi kơdrâi kum dêi pó mơnhông mơdêk cheăng kâ [ă mơjiâng thôn pơlê nếo. A hơnăm kố, ai lối 350 ngế nâ o pêi cheăng a 10 chi ho#i dêi cheăm Măng Cành hiăng kum dêi pó lối rơpâu hâi pêi cheăng, lối châ rơpâu hdrê pêt, mơnăn păn, pro troăng [ê tông mot tung thôn pơlê veăng kum rơtế tâi tâng cheăm châ 9 tung 19 tơdroăng pơkâ mơjiâng thôn pơlê nếo [ă hên tơdroăng ki ê. Nâ Nguyễn Thị Hằng, kăn pho\ hnê ngăn vâi kơdrâi tơring Kon Plong ăm ‘nâi: Nâ Y Ró cho kăn hnê ngăn vâi kơdrâi cheăm châ khu kăn pơkuâ, châ Đảng, châ mâu khu râ ngăn vâi kơdrâi kơpêng mơnhên tối rơkê khât ‘na hnoăng cheăng ivá dêi nâ, ai ivá pêi pro troh mâu râ ngăn nâ o ki ê. Nôkố, túa pơkâ kơd^ng liăn a thôn Đak Ne hiăng châ 5 cheăm ki ê hriâm [ối, hơnăm 2016 kô pơtối tơbleăng pêi pro. {ă dêi tơná nâ, nâ đi đo djâ troăng ahdrối [ă mơhnhôk rơpo\ng mơnhông mơdêk cheăng kâ. Pák^ng tơdroăng ki nâ lăm troh kơ koan pêi cheăng mâu hâi ki pơtê nâ rơtế [ă mâi nâ lăm a chiâk rak ngăn kơphế xuân môi tiah păn chu, păn í vâ mơnhông mơdêk tơ’nôm liăn ngân tung rơpo\ng hngêi. Nôkố, nâ hiăng mơjiâng pro hngêi le\m [ă hiăng roê xúa mâu kế tơmeăm tu\m tung hngêi.

Rơkê ple\ng tâ tâng vâ pơchông [ă a hơnăm 31, nâ Y Ró, kăn hnê ngăn vâi kơdrâi cheăm Măng Cành ăm ‘nâi: Mâu tơdroăng ki nâ hiăng pêi châ khât gá ối iâ tâng vâ pơchông [ă mâu tơdroăng ki athế pêi ăm mâu ngế nôu, ngế nâ [ă ngế o cho vâi kơdrâi [ă ăm lối 2 rơpâu ngế vâi krâ nho\ng o Rơteăng a cheăm Măng Cành. Drêng ‘nâi tơdroăng Y Ró, Ngế kơdrâi rơkê ‘na tơdroăng cheăng tơnêi têa la rơkê tơdroăng cheăng tung rơpo\ng hngêi, pêi hên tơdroăng cheăng tro ăm Măng Cành châ veăng hôp a hneăng hôp tơ’noăng pâ nhoa#m tơnêi têa lâp tơnêi rôh má 9 hơnăm 2015 mâu vâi nâ, o tung khu [ă kuăn pơlê tung cheăm sôk ro [ă hâk tơngăm khât.

Katarina Nga chêh [ă tơbleăng