VOV4.Bahnar - Tơ̆ Hà Nội, Dơnŏ anĭh vei lăng Kon kông hăm Dơnŏ anih tang măt tĕh đak Ai Len tơ̆ Việt Nam hlôi pơgơ̆r Pơm lê̆h kĭ hla bơar hơmet ming dơ̆ng Drơ̆ng mĭnh nơ̆r tơgŭm djru ƀar păh Khul kơdră tĕh đak Việt Nam păng Ai Len tơgŭm djru rim tơring tơnap tap lơ̆m Tơdrong jang Tĕh đak atŏk tơ iung Mŭk drăm-Tơpôl tơring Kon kông păng Groi kông jăl jang 2021-2030. Iung pơma tơ̆ Pơm lê̆h kĭ pơkăp, Ƀok Hầu A Lềnh Kơdră chĕp pơgơ̆r Dơnŏ anĭh vei lăng Kon kông sơkơ̆t hơdăh, Khŭl kơdră tĕh đak Ai Len ling lang lăng ba tơgŭm djru ăn tơring kon kông kơ Việt Nam. Rim tơnô̆ tơgŭm jing kon jên gĭt kăl hlŏh. ‘Nau ư̆h khan lăp hơdrô̆ mŭk drăm mălei oei tơbăt hơdăh găh jơhngơ̆m đon tơgoăt tơgoăl dĭh băl kơ jăp đơ̆ng Khŭl kơdră tĕh đak păng kon pơlei Ai Len ‘măn ăn kơ Việt Nam păng ‘măn ăn kon pơlei kon kông oei tơ̆ tơring tơnap tap lơ̆m prăt khei năr au ki. Kon jên tơgŭm djru đơ̆ng Khŭl kơdră tĕh đak Ai Len hlôi tơgop xut xa pơngot rơvĕt tơ jur dơnŭh tơ̆ Việt Nam.

Tơblơ̆ nơ̆r: Amazưt