Đak Lăk hơdrin truh đĭ sơnăm 2025 dêh char păng đei oei hnam hyah hyok
Thứ bảy, 09:23, 16/11/2024
Lan chih tơblơ̆
Lan chih tơblơ̆
VOV4.Bahnar – Đơ̆ng sơnăm 2021 truh dang ei, dêh char Đak Lăk hlôi ming hơmet, pơm ‘nao jê̆ 5.600 tŏ hnam tơgŭm ăn unh hnam bơngai tơgŭm jơhngơ̆m ăn teh đak; unh hnam hin dơnuh, tơjê̆ hin dơnuh; unh hnam teh đak tơchơ̆t tơgŭm.
Dang ei dêh char tŏk bŏk oei hơdrin truh đĭ sơnăm 2025 gô pă đei oei hnam hyah hyok bơih. Kiơ̆ tơdrong hơlen đơ̆ng dôm tơring, dang ei dêh char Đak Lăk oei đei 9.569 unh hnam tơnap tap gah hnam oei.
Ƀok Nguyễn Hoàng Giang, Kơdră Anih Asong jang Linh jĭ rơka păng Tơpôl dêh char Đak Lăk ăn tơbăt, pơm kiơ̆ tơdrong pơlong “Atŭm jơhngơ̆m sut lê̆ hnam hyah hyok lơ̆m jơ̆p teh đak lơ̆m sơnăm 2025” kơyuơ Thủ tướng teh đak tơlĕch jang, dêh char Đak Lăk hlôi chă hơlen chih akŏm kơsô̆ hnam hyah hyok, hơlen hơdah bơngai kăl đei tơgŭm. Dêh char chih akŏm tơdrong jang vă sut lê̆ hnam hyah hyok lơ̆m tơring, vei sơđơ̆ng ưh đei dơ̆ng hnam hyah hyok, hnam ưh kơ trŏ hăm tơchơ̆t tơlĕch.
Viết bình luận