VOV4.Bahnar - Lơ\m hop ako\m mă 37, kơ An^h che\p kơ\l pơ gơ\r Kuo#k ho#i gie\ng âu ki, dôm bơ ngai tang măt tơ gop nơ\r ăn tơ drong hơ len năng găh “Tơ drong jang kiơ\ trong tơ gu\m, khôi luơ\t mưh bơ\ jang tơ drong jang tơm kơ te\h đak tơ jur tơ nuh hin kơ jăp ‘lơ\ng tơ\ tơ ring kon kông, tơ ring groi kông đơ\ng 2012-2018”. An^h che\p kơ\l pơ gơ\r Kuo#k ho#i pơ ma hơ dăh: Tơ drong jang tơ jur tơ nuh hin tơ\ tơ ring kon kông, tơ ring groi kông tam mă kơ jăp ‘lơ\ng. Atu\m hăm ‘no\h athei tơ re\k hlo\h dơ\ng lơ\m tơ drong dăr hơ len, vei lăng păng chih hơ dăh hơ năp jang đơ\ng dôm an^h tơm, an^h jang kơ pal găh tơ drong ‘nâu.

Tơ drong dăr hơ len ăn [ôh: Dôm trong tơ gu\m tơ mât jên jang ato\k tơ iung mu\k drăm, tơ pôl, tơ jur tơ nuh hin hlôi pơm tơ plih tôch hơ dăh găh an^h jang, trong nơ năm, dang 25 rơ bâu an^h jang, trong nơ năm hlôi đei tơ le\ch jên ming man tơ\ dôm xăh, pơ lei pơ la mơ mat tat dêh hlo\h, tơ ring kon kông oei, tơ ring groi kông.

Mă lei, kiơ\ đơ\ng chă hơ len năng ku\m ăn [ôh, tơ drong jang tơ jur tơ nuh hin tơ\ tơ ring kon kông, tơ ring groi kông tam mă kơ jăp ‘lơ\ng, m^nh [ar tơ drong jang đei tam mă ‘lơ\ng, tơ jur tơ nuh hin tam mă lơ. Kơ so# unh hnam kon kông tơ nuh hin oei tôch lơ pơ têng hăm kơ so# unh hnam tơ nuh lơ\m te\h đak. Nhen sơ năm 2017, kơ so# unh hnam kon kông tơ nuh đei truh 52% pơ têng hăm kơ so# unh hnam tơ nuh lơ\m te\h đak. M^nh kơ so# apu\ng 30a, đei hlo\h 60% nhen tơ\ Điện Biên đei 05 apu\ng. Sơ năm 2018, unh hnam kon kông tơ nuh đei truh 62% pơ têng hăm kơ so# unh hnam tơ nuh kơ 51 dêh char tơ ring kon kông, tơ ring groi kông.

Pho\ Kơ dră Quốc hội Đỗ Bá Tỵ akhan: “Kon pơ lei kon kông tôch hơ iă, yă kiơ ku\m đei tơ gu\m ăn. Mă lei hơ tuch ‘no\h hơ nhăk ăn yă kiơ, mưh lăng năng dơ\ng ‘no\h ưh kơ đei dôm yơ. Tơ drong tơm đơ\ng trong tơ gu\m mă bơ\n tơ le\ch ‘no\h tôch tih mă lei khei ‘năr bơ\ jang păng jên jang ưh kơ lơ. Kơ na đa pơ dui đunh, jên tơ le\ch jang ưh kơ lơ. Kơ na đei tơ drong jang lơ sơ năm, jang ke\h ‘no\h an^h ming man blu\ng a vă hư bơih. Thoi no\h tam mă tơ găl hăm tơ drong tơ mât jên jang đơ\ng Đảng, Te\h đak lơ\m khei ‘năr tơ je# âu”.

Tơ drong tơm pơm ăn tơ drong jang tơ jur tơ nuh hin tơ\ tơ ring kon kông, tơ ring groi kông tam mă kơ jăp ‘lơ\ng, kiơ\ [ok Hà Ngọc Chiến, Kơ dră An^h vei lăng hơ dre\ch kon kông kơ Kuo#k ho#i, Kơ dră che\p kơ\l khul dăr hơ len ‘no\h m^nh kơ so# bơ ngai oei đei đon tơ che\ng ‘me\h gơ nang yoa, xa hơ păh dôm tơ drong tơ gu\m đơ\ng te\h đak păng tơ pôl.

Tơ [ôh đon tơ tăm tơ\ hơ năp tơ drong kon pơ lei kon kông, tơ ring groi kông tơ\ dôm xăh, pơ lei pơ la mơ mat tat dêh hlo\h, mă loi j^ dôm unh hnam đơ\ng nai mât oei, oei ưh kơ măh te\h oei, te\h choh jang xa, tơ mam vă jang xa, [ơm ưh ‘lơ\ng truh tơ drong jang tơ jur tơ nuh hin kơ jăp ‘lơ\ng, Kơ dră vei lăng An^h jang Tư phap kơ Kuo#k ho#i Lê Thị Nga akhan: kon pơ lei chu pơ jao te\h vă man bơ\n hnam kơ măy unh điên mă lei mưh pơ jing plei hle ‘no\h oei tơ [âp lơ mơ mat tat, kon pơ lei ưh măh te\h choh jang xa, tơ ring oei xa ‘nao tam mă ‘lơ\ng dang tơ ring so. Tơ drong ‘no\h pơm ăn kon pơ lei chă jăk kư\ kă đơ\ng tơ ring Tây Bắc mât oei tơ\ Tây Nguyên, ‘nâu j^ tơ drong tih athei hơ len năng mă bre\:

“Tơ drong jang tơ jur tơ nuh hin đei tơ le\ch jang hơ dai hăm lơ tơ drong tơ gu\m mă lei tơ drong chih tơ le\ch hla ar jang tôch hiơ\, lơ hla ar tam mă tom chih tơ le\ch. Tơ drong ‘lơ\ng đơ\ng hla ar chih “ku\m tam gan lăp” mưh tơ le\ch jang hơ dai đơ\ng dôm an^h jang kơ pal jing tam mă ‘lơ\ng, lơ trong tơ gu\m răh rai, hơ drom băl. Đei lơ tơ drong tơ gu\m jang kiơ\ tam mă ‘lơ\ng. Đei tơ drong tơ gu\m lăp hăm tơ ring ‘nâu mă lei ưh kơ lăp hăm tơ ring to mă lei oei pơ hno\ng jang đe\ch, jên hơ găt to\ se\t păng tơ le\ch trong tơ gu\m tam mă ‘lơ\ng”.

Kơ dră An^h hơ len năng tơ drong hơ pơi ‘me\h đơ\ng kon pơ lei kơ Kuo#k ho#i Nguyễn Thanh Hải ku\m akhan: Tơ drong jang đei tam mă nhen thoi ‘me\h vă kiơ\ tơ drong đei tơ\ tơ ring; tơ drong rơ gei đơ\ng khul bơ ngai jang, mu\k drăm tơ pôl jang to\k hiơ\; kơ so# unh hnam tơ nuh oei lơ păng kăl hlo\h j^ mơ mat tat mưh vă io\k yoa dôm tơ drong tơ gu\m. Yă Nguyễn Thanh Hải athei sơng io\k jên jang tơ mât ăn tơ ring mơ mat tat, pơm hơ to\k hlo\h dơ\ng tơ drong jang sut pơ ngot, tơ jur tơ nuh hin vă găn [iơ\ tơ drong plo\h ple\ch băl đơ\ng pơ dro\ng hăm tơ nuh:

“Inh tôch tơ tăm, tơ\ âu đei lơ tơ drong tơ gu\m mă lei yoa tam mă tro\, tam mă [ơm, dăh mă bơ\n jang tam đ^ jơ hngâm kơ na hrei ‘nâu kon pơ lei tơ ring groi kông oei “pu\ 5 tơ drong hlo\h”, mă loi j^ tơ drong io\k yoa dôm tơ drong tơ gu\m kơ đe\h hlo\h. Inh đo\k tơ\ âu tơ drong tơm ‘no\h akhan, găh bơ ngai tơ nuh yoa kon lơ, ưh đei tơ drong jang. Oei găh tơ le\ch jên jang, găh pơ gơ\r bơ\ jang ‘no\h j^ kơ lih yoa kon bơ ngai, dôm an^h bơ\ jang”.

Dôm bơ ngai tang măt athei tơ re\k hlo\h dơ\ng truh tơ drong dăr hơ len, vei lăng păng chih hơ dăh hơ năp jang đơ\ng dôm an^h tơm, an^h jang kơ pal. Kơ lih yoa mưh tơ le\ch jang oei đei lơ tơ drong glăi, kăl hlo\h ‘no\h khei ‘năr đơ\ng ro\ng đei tơ drong glăi lơ hlo\h khei ‘năr adrol ki dơ\ng. Pơ tih gia nhen đơ\ng sơ năm 2012-2015 pơm glăi truh 104 ti hlak jên, oei đơ\ng sơ năm 2016-2018 opm glăi truh 141 ti hlak jên.

Lơ\m hop ako\m, Kơ dră Kuo#k ho#i Nguyễn Thị Kim Ngân drơ\ng nơ\r tơ le\ch tơ drong Tơ chơ\t dăr hơ len kiơ\ tơ drong jang găh “Bơ\ jang tơ drong tơ gu\m, khôi luơ\t mưh tơ le\ch jang tơ drong jang tơm kơ te\h đak tơ jur tơ nuh hin kơ jăp tơ\ tơ ring kon kông, tơ ring groi kông đơ\ng sơ năm 2012-2018”.

Kơ dră Kuo#k ho#i Nguyễn Thị Kim Ngân athei: “Hăm Kuo#k ho#i inh [ôh 3 tơ drong truh âu kơnh bơ\n athei jang. K^ ăn tơ drong jang tơm găh trong tơ gu\m kon pơ lei kon kông, kiơ\ đơ\ng tơ mât hơ dai đ^ đăng tơ drong tơ gu\m, 118 tơ drong tơ gu\m, răh rai tơ\ tơ drong jang ‘nâu, tơ drong jang nai. Bơ\n tam mă đei luơ\t kon kông ‘no\h athei đei Tơ drong tơ chơ\t păng ako\m jơ hngâm, jên jang, tơ\ hơ năp kơnh ako\m dôm yơ vă ako\m tơ drong pơ gơ\r vei lăng m^nh [ôt păng hơ len năng tơ drong tơ gu\m. Mă 2 ‘no\h tơ le\ch jên, tơ mam vă bơ\ jang. Mă 3 ‘no\h dăr lăng tơ drong pơ gơ\r bơ\ jang”.

            Lại Hoa: Chih

Dơ\ng: Tơ blơ\