VOV4.Bahnar - Lơ̆m tơ drong jang ‘măng hop akŏm mă 2 kơ Anih chĕp kơ̆l pơ gơ̆r Kuôk hô̆i, Anih chĕp kơ̆l pơ gơ̆r Kuôk hô̆i hlôi hơ len lăng nơ̆r apĭnh dăr hơ len đơ̆ng Jơ nŭm vei lăng hơ drĕch kon kông găh tơ drong pơ kăp tơ ring groi kông lơ̆m vei lăng teh đak hrei ‘nâu. Kơ dră tơm, kơ dră Anih vei lăng hơ drĕch kon kông Hầu A Lềnh tơ băt: Ƀơ̆t Kuôk hô̆i tơ lĕch tơ drong tơ chơ̆t 88 kĭ ăn tơ drong jang akŏm hơ tŏk tơ iung mŭk drăm - tơ pôl tơ ring kon pơ lei kon kông păng tơ ring groi kông jăl jang 2021-2030, Thủ tướng teh đak hlôi tơ lĕch tơ drong tơ chơ̆t 33 găh tơ drong pơ kăp tơ ring kon pơ lei kon kông, rim xăh oei lơ̆m tơ ring groi kông adoi oei lơ̆m hơ năn tơ drong hơ găt, mă lei găh tơ drong khôi luơ̆t tam mă đei tơ chơ̆t tơ plih. Anih vei lăng hơ drĕch kon kông athei Anih chĕp kơ̆l pơ gơ̆r Kuôk hô̆i pơ jao Jơ nŭm pơ gơ̆r hơ drĕch kon kông, Anih vei lăng hơ drĕch kon kông păng rim anih tơm, anih jang ƀơm truh dăr hơ len dơ̆ng găh tơ drong khôi luơ̆t, hơ len lăng dơ̆ng tơ drong pơ kăp tơ ring groi kông hơ len hloh dơ̆ng vă tơ mơ̆t thim lơ̆m tơ drong pơ kăp rim xăh kiơ̆ tơ drong hơ tŏk tơ iung.

Thuem: Tơ blơ̆