VOV4.Bahnar - Kŏng ti tơm Bưu điện Việt Nam tơ băt pơ tơm đơ̆ng năr ‘nâu (6/8) pơ gơ̆r tơ drong jang “Hạt vàng Bưu điện”. Kiơ̆ kơ ‘noh, Kŏng ti tơm gô pơ jao asong 700 tấn phe gơ̆ih asong ăn kon pơ lei rim dêh char găh pơ băh tŏk bŏk đei ƀơm kơ nê̆ đơ̆ng jĭ Covid-19. Đei 6 dêh char, pơ lei tơm đei pơ jao asong ‘noh: pơ lei tơm Hồ Chí Minh, Bình Dương, Đồng Nai, Tây Ninh, Long An, Tiền Giang.

Dôm hơ nih chă song phe kơ̆ bưu điện Việt Nam

Tơ chĕng hơ drol hloh 233.000  kon pơ lei đei tơ drong arih sa mơ mat tat đei iŏk phe đơ̆ng tơ drong jang “Hạt vàng Bưu điện”. Hơ drô̆ tơ̆ pơ lei tơm Hồ Chí Minh, Bưu điện pơ lei tơm gô ‘măn 30 tấn phe lơ̆m tơ drong jang vă gơ̆ih asong păng vang hơ dai hăm rim hơ nih pai gŏ ‘mêm mơ nat tŏk bŏk pơ gơ̆r pai por ăn anih tơ jră jĭ păng bơ ngai dơ nuh hin. Hơ drol ‘noh, anih jang Bưu điện hlôi pơ gơ̆r tơ lĕch jang hloh 3.400 hơ nih pơ truh tơ mam kăl, sơ đơ̆ng kơ jă tơ̆ rim dêh char tŏk bŏk jang kiơ̆ ư̆h kơ ăn yak vih vơ̆t lơ̆m tơ pôl.

Thuem: Tơ blơ̆